ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་ཧའེ་ཁྲེང་སློབ་ཆུང་དང་པེ་ཅིང་གྲོང་ཁྱེར་ཧོའེ་རུའོ་ཆུས་པེ་ཧྥང་གྲོང་རྡལ་ལྟེ་བའི་སློབ་ཆུང་གི་དགེ་སློབ་ཚོས་དྲ་ཐོག་ཐད་གཏོང་བྱེད་སྟངས་སྤྱད་དེ་སློབ་འགོ་ཚུགས་པའི་སློབ་ཚན་དང་པོ་མཉམ་དུ་འཚོགས་པ་རེད། སློབ་ཁང་དུ་དགེ་རྒན་ཚོས་བསམ་བློ་ཆབ་སྲིད་ཀྱི་སློབ་གསོ་དང་ཡོམ་འགོག་གེགས་སེལ་ཁྲོད་ཀྱི་གསོན་ཉམས་དོད་པའི་དཔེ་མཚོན་ཟུང་འབྲེལ་དམ་ཟབ་བྱས་ཏེ་སློབ་མར་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ལམ་ལུགས་ཀྱི་ལེགས་ཆར་གོ་བ་གཏིང་ཟབ་བླངས་ཏེ་སློབ་མའི་རྒྱལ་གཅེས་ཀྱི་བརྩེ་སེམས་ཟབ་ཏུ་དང་མི་རིགས་ཀྱི་སྤོབས་སེམས་ཆེ་རུ་འགྲོ་བར་ཁྲིད་སྟོན་བྱས་ནས། སློབ་མ་ཚོར་རྒྱལ་ཁབ་ལ་དྲིན་ལན་འཇལ་བ་དང་རྒྱལ་ཁབ་སྟོབས་ཆེར་གཏོང་བའི་ཕུགས་འདུན་ཆེན་པོ་འཛུགས་པ་དང་འགན་འཁྲི་འཁུར་ཐུབ་པའི་འབད་འཐབ་པ་བྱེད་པར་སྐུལ་ལྕག་བྱས་ཡོད། འདི་ནི་ས་གནས་གཉིས་ཀྱི་དགེ་སློབ་ཀྱིས་དྲ་བ་སྦྲེལ་ནས་སློབ་འགོ་ཚུགས་པའི་སློབ་ཚན་དང་པོ་མཉམ་དུ་འཚོག་བཞིན་པ།
བོད་ལྗོངས་ཉིན་རེའི་ཚགས་པར་ལས་དྲངས།
