ཉེ་ཆར། བར་སྐོར་ཁྲོམ་གཞུང་ཁྲོམ་གཟིགས་སྒང་སྡེ་ཁུལ་གྱིས་གྲོང་སྡོད་ལས་དོན་རུ་ཁག་དང་། “ཐོ་འགོད་གཉིས་དང་སྐར་གསོག་གཉིས”ཀྱི་ཏང་ཡོན་དང་བླངས་པ། དེ་བཞིན་མི་སྤྱི་སྡེ་ཚན་གྱི་ལས་དོན་པ་བཅས་དང་མཉམ་དུ་ཁྲོམ་གཟིགས་སྒང་ཐང་ཆེན་དུ་མི་སྤྱིའི་སྲིད་ཇུས་ཀྱི་ཆེད་དོན་སྒྲོག་འགྲེལ་བྱེད་སྒོ་སྤེལ་བ་རེད། བྱེད་སྒོ་སྤེལ་ཡུལ་དུ་དྲིལ་བསྒྲགས་བློ་འདྲིའི་ལས་སྟེགས་བཙུགས་ནས་རྒན་གསོ་འགན་བཅོལ་དང་སྨན་བཅོས་འགན་བཅོལ་སོགས་དྲིལ་བསྒྲགས་དཔྱད་ཡིག་སྒྲིག་གཤོམ་བྱས་པ་དང་། སྡེ་ཁུལ་གྱི་ལས་དོན་པ་དང་གྲོང་མི་ངོ་ཐུག་གདོང་འཕྲད་ཀྱིས་སྤེལ་རེས་བྱས་པ། གཅིག་གཏད་གཅིག་གིས་དོགས་གནད་སེལ་བ་བཅས་བྱས་ནས། གྲོང་མིར་སྲིད་ཇུས་ཀྱི་གཙོ་གནད་ནང་དོན་ཤེས་རྟོགས་ཐུབ་རྒྱུར་རོགས་རམ་བྱས་ཡོད། འདི་ནི་མི་སྤྱིའི་སྲིད་ཇུས་ཀྱི་ཆེད་དོན་སྒྲོག་འགྲེལ་བྱེད་སྒོ་སྤེལ་ཡུལ་ཡིན་པ།
བོད་ལྗོངས་ཉིན་རེའི་ཚགས་པར་ལས་དྲངས།
