བདག་ལ་ལོ་རིམ་ལྔ་པའི་སྐབས་སུ་ཨ་མ་ལགས་ཀྱིས་སློབ་སྦྱོང་གི་གཟེངས་བསྟོད་དུ་གནང་བའི་སྨྱུག་སྒམ་ཟིང་སྐྱ་ཞིག་ཡོད། དེའི་ཐོག་ཏུ་མི་ཆུང་གཉིས་ཀྱིས་ཐལ་མོ་རྡེབ་པའི་རིས་མོ་ཆུང་ཆུང་ཞིག་ཡོད་པས་ཤིན་ཏུ་སྙིང་རྗེ་པོ་ཡོད།
མ་གཞི་ཨ་མ་ལགས་ཀྱིས་བདག་ལ་སྨྱུག་སྒམ་གཅིག་ལས་གཟེངས་བསྟོད་དུ་གནང་མེད་ཀྱང་སྨྱུག་སྒམ་དེས་བདག་ལ་མུ་མཐུད་ཤེས་བྱའི་གནས་ལ་སྦྱངས་བརྩོན་བྱེད་འདོད་པའི་སྐུལ་མ་བཏང་བ་མ་ཟད། འབྱུང་འགྱུར་སྤྱོད་ཡོན་གཉིས་ལྡན་གྱི་སློབ་མ་ཞིག་དང་ཤེས་བྱའི་གནས་ལ་བྱང་ཆུབ་པའི་མི་ཞིག་ཆགས་པ་བྱེད་རྒྱུའི་འདུན་པ་དྲག་ཏུ་སྐྱེས་སུ་བཅུག ངས་སྨྱུག་སྒམ་དེ་དུས་རྟག་ཏུ་དཔེ་ཁུག་ནང་འཁྱེར་གྱི་ཡོད་པས་སྐབས་རེ་ང་རང་སྒྱིད་ལུག་གི་དབང་དུ་ཚུད་སྐབས། སྨྱུག་སྒམ་དེ་མཐོང་འཕྲལ་དུ་བདག་གི་སེམས་སུ་རང་ཉིད་འབྱུང་འགྱུར་སྤྱོད་ཡོན་གཉིས་ལྡན་གྱི་སློབ་མ་ཞིག་བྱ་རྒྱུའི་འདུན་པ་ཝ་ལེར་དྲན་པས་ལམ་སེང་སློབ་སྦྱོང་ལ་སྐུལ། འབྱུང་འགྱུར་དེ་ནི་ང་རང་རྨོངས་གཉིད་ལས་བསད་པའི་ཅོང་སྒྲ་དང་གཉིས་སུ་མེད་པས་ངས་ཁྱེད་རང་ནམ་ཡང་བརྩོན་འགྲུས་དང་འདྲ་བར་གྲོགས་སུ་བསྟེན་ངེས་ཡིན་ནོ། །
