ཉེ་ཆར། མང་ཚོགས་ཞིག་གིས་སྣེ་གདོང་ཆུས་སྤྱི་བདེ་ཅུས་ཁྲོམ་གཞུང་མངགས་གཏོང་ཁང་ལ་ལས་ཁུངས་ཁང་པའི་འོག་ཏུ་བཞག་པའི་སྦག་སྦག་གི་སྣུམ་སྒམ་ཁ་ཕྱེ་ནས་སྣུམ་ཚང་མ་བརྐུས་འདུག་ཅེས་ཉེན་དོན་སྙན་སེང་ཞུས་པ་རེད།
ཉེན་དོན་སྙན་སེང་འབྱོར་རྗེས། འབྲེལ་ཡོད་མི་དམངས་ཉེན་རྟོག་པས་འཕྲལ་མར་བརྟག་དཔྱད་བྱས་ཤིང་། གློག་མིག་ལ་ལྟ་བ་དང་འདྲི་རྩད་ཐེངས་མང་བྱས་རྗེས། ནོར་ཆེ་གེ་མོ་དང་བློ་ཆེ་གེ་མོ་དོགས་ཡོད་ཉེས་ཅན་པར་གཏན་འཁེལ་བྱས་པ་དང་འབྲེལ་ཉིན་གཉིས་པར་བཟུང་ནས་གནོད་འཚེ་ཕོག་མཁན་མང་ཚོགས་ཀྱི་རྒྱུ་ནོར་གྱི་གྱོང་གུན་དུས་ཐོག་ཏུ་གསབ་ཡོད། དཔང་རྟགས་ཁུངས་བཙན་གྱི་མདུན་དུ་ཁོ་གཉིས་ཀྱིས་རྐུ་བརྒྱབ་པའི་ཁྲིམས་འགལ་ཉེས་གསོག་བྱེད་སྤྱོད་སྦ་གསང་མེད་པར་ངོས་ལེན་ཞུས་པ་རེད།
ཉེན་རྟོག་ཕྱོགས་ཀྱིས་དྲན་སྐུལ་བྱས་དོན། ཁྲིམས་འགལ་བ་ཁག་གཅིག་གིས་རྒྱུན་དུ་མཚན་མོ་མི་ཉལ་ཁྱི་ཉལ་གྱི་དུས་སུ་ཕྱིར་བསྐྱོད་དེ་མི་གཞན་གྱི་འཁོར་རིགས་ཀྱི་སྣུམ་རྐུ་ཡི་ཡོད། ལོ་རྙིང་ཕར་ལ་སྐྱེལ་བ་དང་ལོ་གསར་ཚུར་ལ་བསུ་བའི་ད་ལྟའི་དུས་ནི་རྐུ་རྒྱག་གྱོད་གཞི་ཐོན་མང་ཤོས་ཀྱི་དུས་ཚོད་རེད། རྒྱ་ཆེའི་ཁ་ལོ་བ་ཚོས་ངེས་པར་དུ་དོགས་ཟོན་ཆེན་པོ་བྱས་ཏེ་སྣུམ་སྒམ་ལ་སྒོ་ལྕགས་རྒྱག་པ་སོགས་བྱས་ནས་འཁོར་རིགས་ཀྱི་སྣུམ་རྐུ་མི་ཤོར་བ་བྱེད་དགོས། དེ་དང་དུས་མཚུངས། རླངས་འཁོར་ཁུག་ཀྱོག་གི་ལམ་དུམ་དང་གློག་མིག་མེད་པའི་ས་ཆར་གཏན་ནས་འཇོག་རྒྱུ་མེད།
བསོད་ནམས་དཔའ་མོས་བསྒྱུར།
