ལོ་རྒྱུས་ཀྱི་གླེགས་བམ་གྲུ་བཞིའི་གསེང་དུ། །
དགེ་ཆོས་ཀྱི་རྐང་རྗེས་གསལ་ལེར་མངོན་བྱུང་། །
ལོ་ཟླ་ཡི་འཁོར་ལོ་སྒོར་མོའི་སྲུབས་ནས། །
རྔུལ་ཆུ་ཡི་ཕྲེང་བས་བཏབ་པའི་ས་བོན། །
གསེར་མདོག་གི་འབྲས་བུ་ག་ལ་ཐོན་ཡོད། །
ཁུངས་མེད་ཀྱི་གཏམ་འཆལ་འགའ་ཞིག་གྲགས་ནས། །
དགོས་མེད་ཀྱིས་གསེར་གྱི་བུམ་པ་བཅག་དུས། །
ཕངས་སེམས་ཀྱི་ཕྱིར་མིག་ཅིས་ཀྱང་མེད་རུང་། །
གློ་བུར་གྱི་འགྱོད་པ་ཁྱོད་ལ་ཨེ་ཡོད། །
ད་གཟོད་ན་སྐྱོ་བ་ཆང་གིས་གསོས་ཤིང་། །
མཐའ་མཇུག་གི་རེ་བ་བཟི་ལ་བཅོལ་དགོས། །
སྤྱན་ཟུང་ལས་ཐོན་པའི་ཆུ་ཐིགས་རེ་རེས། །
སེམས་ཕམ་པའི་ཉམས་འགྱུར་མངོན་པར་བྱས་དུས། །
ཡིད་སྐྱོ་བའི་ཚོར་བ་ཁྱོད་ལ་བྱུང་ངམ། །
ཉི་གཞོན་གྱིས་བསྲིངས་པའི་འཚོ་བའི་མངར་ཁས། །
དགེ་ཆོས་ཀྱི་རྔུལ་ཆུ་དལ་གྱིས་སྐམ་འདྲ། །
དོན་མེད་ཀྱི་ཅ་ཅོ་ཐལ་བ་མ་ཡིན། །
དོན་དངོས་ཀྱི་མཛུབ་རྗེས་དཔྱད་པར་འགྲོ་འོས། །
དྲན་པ་ནས་འཐུལ་བའི་གཏམ་ཞིག་གླེང་དུས། །
སུན་སྣང་གི་ཚོར་བ་ཁྱོད་ལ་སྟེར་ཚེ། །
རྨོངས་གཉིད་ལས་མ་སད་གུས་མོས་ལན་ནའང་། །
མ་འཇོན་པའི་སྙན་ངག་ཁྱོད་ཀྱིས་གཟིགས་རོགས། །
ལྷ་ས་ཅུང་སུའུ་ཚོད་ལྟའི་སློབ་འབྲིང་ལོ་རིམ༢（11）
ཟུར་ཁྲིད་དགེ་རྒན། ཚེ་བརྟན་རྒྱལ་པོ།
