འདི་ནི་གསང་ཡིབ་སྡེ་ཁུལ་གྱི“ཁུ་བྱུག་གསུང་སྐད་སྙན་མོའི”དང་བླངས་ཞབས་ཞུ་རུ་ཁག་གིས་གཞོན་ནུ་ལོ་ཆུང་དང་མཉམ་དུ་དྲན་རྟེན་པར་རྒྱག་བཞིན་པ།
ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་དོག་སྡེ་ཁྲོམ་གཞུང་གསང་ཡིབ་སྡེ་ཁུལ་གྱིས“ཁུ་བྱུག་སློབ་སྐྱོར”གྱི་སྤྱི་ཕན་ཚབ་གཉེར་ལས་སྟེགས་ལ་བརྟེན་ནས“དྲ་མིག་པ་ཆུང་ཆུང”གི་དྲ་མིག་ལག་ལེན་ཉམས་ལེན་བྱེད་སྒོ་སྤེལ་ཞིང་། བྱེད་སྒོར་ཞུགས་མཁན་གཞོན་ནུ་ལོ་ཆུང་གིས་དྲ་མིག་པ་ཆུང་ཆུང་བྱས་ནས་དྲ་མིག་བཅོས་སྐྱོང་གི་ཤེས་བྱ་སྦྱོང་བ་དང་། སྡེ་ཁུལ་དུ་ཁོར་ཡུག་ལ་སྐོར་ཞིབ་དང་གཙང་སྦྲ་བྱེད་པར་བསྐྱོད་དེ། ལག་ལེན་དངོས་ལ་བརྟེན་ནས་སྤྱི་ཚོགས་ཀྱི་འགན་འཁྲིའི་འདུ་ཤེས་ཟབ་ཏུ་དང་སློབ་གསེང་འཚོ་བ་ཕུན་སུམ་ཚོགས་སུ་བཏང་ཡོད་པ་རེད།
བོད་ལྗོངས་ཉིན་རེའི་ཚགས་པར་ལས་དྲངས།
