འདི་ནི་མེ་གསོད་རུ་མིས་མཛེས་ལྗོངས་ཁུལ་ལམ་རྒྱུད་ཀྱི་ཟ་ཁང་དང་ཚོང་ཁང་གི་གྱང་ལྡེབས་སུ་མེ་ཟོན་བདེ་འཇགས་སྐོར་གྱི་དྲིལ་བསྒྲགས་ཡིག་རིགས་སྦྱོར་བཞིན་པ།
ཉེ་ཆར་མངའ་རིས་ས་ཁུལ་མེ་གསོད་རོགས་སྐྱོབ་ཉིང་ལག་རུ་ཁག（གཤམ་དུ“ཉིང་ལག་རུ་ཁག”ཅེས་བསྡུ་རྒྱུ）གིས་བར་ཁ་གྲོང་རྡལ་གྱི་མཛེས་ལྗོངས་ཁུལ་དུ་མི་ཚོགས་ཆེ་བ་དང་མེ་སྐྱོན་བྱུང་ཉེན་ཅུང་ཆེ་བའི་ཁྱད་ཆོས་དང་ཟུང་འབྲེལ་བྱས་པའི་ཁར། མཛེས་ལྗོངས་ཁུལ་གྱི་གཏན་འཇགས་མེ་ཟོན་དྲིལ་བསྒྲགས་ས་ཚིགས་ལ་བརྟེན་ནས་སྣ་མང་ཅན་གྱི་མེ་ཟོན་དྲིལ་བསྒྲགས་བྱེད་སྒོ་སྤེལ་ཏེ་མཛེས་ལྗོངས་ཁུལ་གྱི་མེ་ཟོན་བདེ་འཇགས་ལ་སྲུང་སྐྱོང་བྱས་པ་རེད།
བྱེད་སྒོ་སྤེལ་རིང་ཉིང་ལག་རུ་ཁག་གིས་མཛེས་ལྗོངས་ཁུལ་གྱི་དོན་དངོས་དང་ཟུང་འབྲེལ་བྱས་ཏེ། ས་ཚིགས་བཀོད་སྒྲིག་བྱེད་སྟངས་ལེགས་སུ་བཏང་བ་དང་ཆབས་ཅིག་ཆེད་བསྐོས་དྲིལ་བསྒྲགས་པ་དང་། དྲིལ་བསྒྲགས་དངོས་པོ། དེ་བཞིན་སྟབས་བདེའི་གསལ་སྟོན་ཡོ་བྱད་བཅས་བཀོད་སྒྲིག་བྱས་ཏེ“དྲིལ་བསྒྲགས་བྱ་ཡུལ་ཡོད་པ་དང་། ཞབས་འདེགས་ཞུ་མཁན་ཡོད་པ། བློ་འདྲི་དང་ལེན་བྱེད་མཁན་ཡོད་པ”བཅས་ཡོང་བ་བྱས་པ་རེད། ད་དུང་མེ་སྐྱོན་གྱོད་དཔེ་དང་ཟུང་འབྲེལ་གྱིས་མངོན་མེད་རྐྱེན་ངན་གྱི་གནོད་འཚེར་འགྲེལ་བཤད་བརྒྱབ་སྟེ། གོམས་གཤིས་ངན་པ་དོར་དགོས་པའི་ཁྲིད་སྟོན་དང་གསར་སྤེལ་བྱས་མེད་པའི་ས་ཁོངས་སུ་མྱུལ་དཔྱད་བྱེད་པར་འགྲོ་རྒྱུ་མེད་པའི་དྲན་སྐུལ་ཡང་བྱས་པ་རེད།
བོད་ལྗོངས་ཉིན་རེའི་ཚགས་པར་ལས་དྲངས།
