ཏང་གི་སློབ་གྲྭའི་ཏང་ཡོན་གྱིས་དཀའ་ངལ་ཡོད་པའི་གྲོང་མིའི་དུད་ཚང་30ལ་འཚམས་འདྲིའི་དངོས་པོ་སྤྲོད་བཞིན་པ།
ཉེ་ཆར། སྟོད་ལུང་བདེ་ཆེན་ཆུས་གདོང་དཀར་སྡེ་ཁུལ་དུ་བཅའ་སྡོད་ལྷ་ས་གྲོང་ཨུད་ཏང་གི་སློབ་གྲྭའི་ལས་དོན་རུ་ཁག་གིས་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་ཏེ་འཆད་ཁྲིད་དགེ་རྒན་སྒྲིག་འཛུགས་ཀྱིས་སྡེ་ཁུལ་གྱི་ལས་དོན་པ་དང་། ཏང་ཡོན། གྲོང་མིའི་འཐུས་མི་བཅས་ལ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་བྱས་པ་དང་། ནང་དོན་གོ་བདེ་ཤེས་སླ་བ་དང་གཞི་རིམ་དང་འབྲེལ་བ་ཟབ་མོ་ལྡན་པས་གདེང་འཇོག་བཟང་པོ་ཐོབ་པ་རེད།
བྱེད་སྒོ་སྤེལ་རིང་། ཏང་གི་སློབ་གྲྭའི་ཏང་ཡོན་གྱིས་ད་དུང་སྒོར་9150རང་གྲབས་བྱས་ཏེ་དཀའ་ངལ་ཡོད་པའི་གྲོང་མིའི་དུད་ཚང་30ལ་འབྲས་དང་། གྲོ་ཞིབ། སྣུམ་སོགས་འཚམས་འདྲིའི་དངོས་པོ་སྤྲད་པ་རེད།
བོད་ལྗོངས་ཉིན་རེའི་ཚགས་པར་ལས་དྲངས།
