ཉེ་བའི་ལོ་ཤས་རིང་། ལྷོ་ཁ་གྲོང་ཁྱེར་གྱིས་སྐྱེ་ཁམས་ཤེས་དཔལ་འཛུགས་སྐྱོང་ལ་ཤུགས་སྣོན་རྒྱག་རྒྱུ་ལྗོངས་ཡོངས་ཀྱི་མདུན་གྲལ་དུ་སླེབས་པར་སྐུལ་འདེད་གཏོང་བར་ཤུགས་བརྒྱབ་པས། སྐྱེ་ཁམས་སྲུང་སྐྱོང་དང་སླར་གསོའི་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་པའི་ཁྲོད། རིམ་རྩིས་བརྒྱབ་ན་ལྷོ་རི་བྱང་རིའི་སྔོ་འགྱུར(ལྷོ་ཁའི་དུམ་བུ)ལས་གྲྭར་ནགས་བཟོ་ཐུབ་ཚད་མུའུ་ཁྲི་6.3ཟིན་གྱི་ཡོད།
ཤེས་རྟོགས་བྱུང་བར་གཞིགས་ན། འདི་ལོ་ཚུན་དུ་ལྷོ་ཁ་གྲོང་ཁྱེར་གྱིས་ལྷོ་ཁའི་ཡར་ཀླུང་གཙང་པོ་རྒྱུག་ཁུལ་གྱི་རི་ཆུ་ནགས་གསུམ་དང་། ཞིང་ཁ། མཚོ་མཚེའུ། རྩྭ་ཐང་བཅས་སླར་གསོ་བཅོས་སྐྱོང་གི་ཡན་ལག་རྣམ་གྲངས་91ལག་ལེན་བསྟར་ཞིང་། རིམ་རྩིས་བརྒྱབ་ན་མ་དངུལ་སྒོར་དུང་ཕྱུར་36.5བཏང་བ་དང་། བོད་རང་སྐྱོང་ལྗོངས་མཚོ་བོད་ས་མཐོའི་ལྷོ་ནུབ་མཐའི་བེད་མེད་དུ་བསྐྱུར་བའི་ལོ་རྒྱུས་རྗེས་ཤུལ་གཏེར་རིའི་སྐྱེ་ཁམས་སླར་གསོའི་དཔེ་སྟོན་ལས་གྲྭ་བཅོས་སྐྱོང་བྱེད་ཁྱོན་སྤྱི་ཆིང་184.3401ལེགས་སྒྲུབ། ལོ་འཁོར་དུ་གཙོ་གནད་སྐྱེ་ཁམས་བྱེད་ནུས་ཁུལ་ལ་མ་དངུལ་སྒོར་དུང་ཕྱུར་4.79དོན་འཁྱོལ་བྱས་པ་མ་ཟད། 《ལྷོ་ཁ་གྲོང་ཁྱེར་སྐྱེ་ཁམས་ལས་གནས་དོ་དམ་ལག་བསྟར་ཞིབ་སྲོལ》བཟོས་ནས་ལྷོ་ཁ་གྲོང་ཁྱེར་ལ་སྐྱེ་ཁམས་ལས་གནས་28788བདམས་པ་དང་། འདི་ལོའི་དུས་ཚིགས་དང་པོ་ནས་གསུམ་པ་བར་སྐྱེ་ཁམས་ལས་གནས་ཀྱི་མ་དངུལ་སྒོར་ཁྲི་5863སྤྲད་ཡོད་པ་རེད།
པ་སངས་ཚེ་རིང་གིས་བསྒྱུར།
