བོད་ལྗོངས་ས་མཐོའི་ས་ཆ་འགའ་ཤས་རྒྱ་མཚོའི་ངོས་ལས་རྨིད་བཞི་སྟོང་ཡན་གྱི་དམིགས་བསལ་གྱི་རང་བྱུང་ས་ཁམས་ཤིག་ཡིན་པ་དང་། དེ་ཡང་བོད་ཀྱི་བྱང་ཐང་དང་། སྟོད་ཕྱོགས་མངའ་རིས་ཕྱོགས་སུ་གནས་པའི་ས་ཆ་དག་གི་རང་བྱུང་གནམ་གཤིས་མི་འདྲ་ལ་ལོ་གཅིག་གི་ནམ་དུས་ནང་དགུན་དུས་ཀྱི་གྲང་རླུང་དང་ཁ་བ་བབས་ཚད་ནི་སྤྱིར་ས་ཆ་གཞན་དག་ལས་མང་བ་དང་། སྐབས་འགར་གནམ་གཤིས་སྔོན་བརྡ་དང་མི་མཚུངས། ཡིན་ནའང་བོད་ཀྱི་ཤར་ཕྱོགས་སུ་གནས་པའི་ཆབ་མདོ་དང་ཀོང་ཡུལ་གྱི་ས་ཆ་འགར་ཆར་ཞོད་བབས་ཚད་མང་ལ་རི་ཀླུང་གང་སར་ལྗོན་ཤིང་དང་རྩི་ཤིང་སྣ་མང་རིགས་སྐྱེ་འཚར་དང་སྐྱེ་ཁུངས་མང་བས་འདམ་རྫབ་ཤུགས་ཆེ་བ་དང་ལྷག་པར་དུ་རི་ཆུ་གཉིས་ཀྱི་གྲོག་རོང་དོག་ཅིང་དབྱར་དུས་སུ་ལམ་བུ་ཆུ་ཡིས་འཁྱེར་བ་དང་། རི་ཉིལ་བ་སོགས་ཀྱི་ཉེན་ཁ་ཚབས་ཆེ་བས་དེ་ནི་གཙོ་ཆེར་རང་བྱུང་གནམ་གཤིས་མི་འདྲ་བ་དང་ཡུལ་གྱི་ས་ཁམས་གནས་སྟངས་ཀྱི་ཆེས་ཁྱད་པར་ཆེན་པོ་ཡོད་པས་ཡིན།
བོད་ཀྱི་སྟོད་རྒྱུད་དང་བྱང་ཐང་ས་ཁུལ་ནི་བྱང་ཕྱོགས་སུ་གཞིས་ཆགས་པས་སྤྱིར་བོད་ཀྱི་ས་ཆ་གཞན་དང་བསྡུར་ན་རྒྱ་མཚོའི་ངོས་ལས་རྨིད་བཞི་སྟོང་ཡན་ཆད་ཀྱི་ས་བབ་ཧ་ཅང་མཐོ་བའི་ས་ཁུལ་ཞིག་ཡིན་པ་དང་། ཞིང་ལས་ཐོན་ཁུངས་ཀྱང་སྐྱེ་འཚར་དཀའ་བས་རང་བྱུང་གནམ་གཤིས་ཀྱི་ཤུགས་རྐྱེན་ཆེན་པོ་ཐེབས་ཡོད། མདོར་ན་ལོ་གཅིག་དུས་བཞིར་ཁ་བ་བབས་ཚད་རྒྱུན་ཆད་མེད་པ་དང་། ཁ་བ་བབས་པའི་མཐུག་ཚད་དང་རྒྱ་ཁྱོན་ནི་བོད་ཀྱི་ས་ཆ་གཞན་དང་སྤྱིར་འདྲ་གི་མེད་པ་ནི་རྒྱུན་གཏན་གནམ་གཤིས་དང་ས་ཡུལ་སོ་སོའི་ཁྱད་ཆོས་ལས་ར་འཕྲོད་བྱེད་ཀྱི་ཡོད། དེར་བརྟེན་བོད་ཀྱི་སྟོད་རྒྱུད་དང་བྱང་ཐང་ས་ཆ་འགར་གངས་སྐྱོན་ཚབས་ཆེན་བྱུང་སླ་བ་དང་། ཐ་ན་འགྲོ་འོང་དང་ཕྱུགས་རིགས་རྩྭ་ཆུར་རོལ་རྒྱུ་མེད་པའི་གནས་ཚུལ་ཐོན་བཞིན་ཡོད་པས་རྒྱུན་དུ་གོང་རིམ་སྡེ་ཚན་དང་རྒྱལ་ཁབ་རིགས་གཅིག་མཁས་པ་དེ་བཞིན་གནམ་གཤིས་ཆེད་ལས་ཚན་པས་སྔོན་བརྡའི་གེགས་བར་སྔོན་འགོག་བྱས་པས་གེགས་བར་ལས་རྣམ་པར་རྒྱལ་རྒྱུར་ཕན་འབྲས་ཐོབ་ཡོད།
བསོད་ནམས་བཀྲིས།
