ཉེ་ཆར། ལྷ་ས་གྲོང་ཁྱེར་མེ་ཟོན་རུ་ཁག་ཁྲེང་ཀོན་ཆུས་མེ་ཟོན་རུ་ཆུང་གཉིས་པའི་དཔོན་དམག་ཁག་གཅིག་ཁྲེང་ཀོན་ཆུས་རྔ་ཆེན་ལྟེ་བའི་སློབ་ཆུང་གི་ཡན་ལག་སློབ་ཆུང་བརྒྱད་པར་བསྐྱོད་དེ། རྒྱ་ཆེའི་དགེ་སློབ་དང་ལས་བཟོར་མེ་སྐྱོན་གྱི་མངོན་མེད་རྐྱེན་ངན་དུས་ཐོག་ཏུ་བསལ་ནས། ཚན་རིག་དང་མཐུན་པའི་ངང་མེ་སྐྱོན་སྔོན་འགོག་བྱེད་དགོས་ཚུལ་དང་། གློ་བུར་གྱི་དོན་རྐྱེན་ཐོན་ཚེ་དུས་ཐོག་ཏུ་119ལ་ཁ་པར་རྒྱག་དགོས་པའི་དྲན་སྐུལ་བྱས་པ་མ་ཟད། ཁ་གསལ་གོ་བདེའི་སྐད་ཆའི་ལམ་ནས་མེ་སྐྱོན་སྔོན་འགོག་གི་རྒྱུན་ཤེས་ངོ་སྤྲོད་དང་། མེ་གསོད་ཡོ་བྱད་སྤྱོད་སྟངས་དམར་ཁྲིད་བྱས་ཏེ། རྒྱ་ཆེའི་དགེ་སློབ་ཚོའི་མེ་ཟོན་འདུ་ཤེས་ཟབ་ཏུ་བཏང་ཞིང་། པར་འདི་གཉིས་ནི་མེ་ཟོན་རུ་མིས་སློབ་གྲྭའི་བདེ་སྲུང་བར་མེ་གསོད་ཡོ་བྱད་སྤྱོད་སྟངས་སློབ་བཞིན་པ།
བོད་ལྗོངས་ཉིན་རེའི་ཚགས་པར་ལས་དྲངས།
