放大
缩小
默认2002ལོའི་བོད་ཀྱི་གཞི་རིམ་དུ་དཀའ་ཚེགས་ཆེ་བའི་ཆ་རྐྱེན་དང་། ཁ་ལ་མི་ཉན་པའི་སློབ་མ། ཁྱིམ་ཚང་གི་ཐུགས་ཁྲལ་བཅས་ཀྱི་གནས་ཚུལ་མང་པོའི་འོག་གྲོང་ཁྱེར་ནས་ཡོང་བའི་ན་གཞོན་དགེ་རྒན་དབྱངས་ཅན་གྱི་གནས་དེར་རང་ཉིད་ཀྱི་དགེ་རྒན་གྱི་འཚོ་བ་སྐྱེལ་འགོ་ཚུགས་པ་རེད། 2024ལོའི་ཟླ་9ཚེས་10ཉིན། དགེ་རྒན་དུས་ཆེན་ཐེངས་40པ་འཆར་ལ་ཉེ་བའི་སྐབས་དེར་གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ཡོན་ལྷན་ཁང་དང་བོད་ལྗོངས་གཞོན་ནུ་ལོ་ཆུང་གི་ལག་ལེན་སློབ་གསོའི་རྟེན་གཞི་གཉིས་ཀྱིས་བཏོན་པའི་བོད་ཀྱི་གཞི་རིམ་གྱི་འབྲོག་ཁུལ་དུ་གཞི་ཚུགས་པའི་གཞོན་ནུའི་དགེ་རྒན། ལང་ཚོ་ལེགས་སྐྱེས་སུ་འབུལ་བའི་གློག་བརྙན་ཐུང་གྲས་《དབྱངས་ཅན》དངོས་སུ་བརྒྱུད་བསྒྲགས་བྱས་པ་རེད།
གློག་བརྙན་ཐུང་གྲས《དབྱངས་ཅན》ཞེས་པ་དེ་བོད་ཀྱི་ཞིང་འབྲོག་ཁུལ་གྱི་སློབ་གསོའི་འཐབ་ཕྱོགས་དང་པོར་གཅིག་སྡུད་བྱས་ནས་བོད་ལྗོངས་ནག་ཆུ་གྲོང་ཁྱེར་ཨ་མདོ་རྫོང་རྩྭ་རིང་གྲོང་རྡལ་སློབ་ཆུང་དུ་གཏམ་རྒྱུད་ཀྱི་རྒྱབ་ལྗོངས་སུ་བྱས་ནས། “ལས་གནས་དང་པོ་”ཡིན་པའི་དགེ་རྒན་ “དབྱངས་ཅན”ཞེས་པ་མཐོང་ཆོས་སུ་བྱས་ཏེ། ཕྲ་ཞིང་ཞིབ་པའི་བརྙན་འཕྲིན་གྱི་སྐད་ཆ་དང་མི་སེམས་འགུལ་བའི་གཏམ་རྒྱུད་ཀྱི་བྱུང་རིམ་བརྒྱུད་ནས། ལོ་20ལྷག་ཙམ་གོང་དུ་བོད་འབྲོག་ཁུལ་གྱི་རྨང་གཞིའི་སློབ་གསོའི་གནས་ཚུལ་དང་དགེ་རྒན་ཚོ་གནས་སའི་ཁོར་ཡུག་ཇི་མ་ཇི་བཞིན་མངོན་པར་བྱས་ཡོད། ཁོར་ཡུག་དེ་ལྟ་བུའི་ཁྲོད“དབྱངས་ཅན”དང་འདྲ་བའི་བོད་ཀྱི་གཞོན་ནུ་དགེ་རྒན་ཚོས་སློབ་གསོའི་བྱ་གཞག་སེམས་ལ་བཅངས་ནས་ས་དེར་རྩ་བ་ཚུགས་པ་དང་། ལང་ཚོའི་ཁྲག་དྲོན་ལ་བརྟེན་ནས་འབྲོག་ཁུལ་གྱི་རྨང་གཞིའི་སློབ་གསོར“འཁྱགས་གཏོར་”བྱས་ཏེ་རང་ཉིད་ཀྱི་གཅེས་སེམས་ལ་བརྟེན་ནས་ཕུགས་འདུན་རེ་རེ་བཞིན་མངོན་པར་བྱས་ཡོད།
གློག་བརྙན་ཁྲོད་ནས་མངོན་པའི་དོན་དངོས་ཀྱི་ཚོར་བ་དངོས་ནང་ལྟད་མོ་བ་མང་པོ་ཞིག་ལ་སེམས་འགུལ་ཐེབས་སུ་བཅུག དྲྭ་གྲོགས་ཚོས་གཅིག་རྗེས་གཉིས་མཐུད་ཀྱིས་གློག་བརྙན་དེའི་ཐོག་ནས་རང་ཉིད་ཆུང་དུས་ཀྱི་གནས་ཚུལ་དྲན་སྐུལ་དང་། དེ་ནི་དགེ་རྒན་ཚོས་སེམས་ནུས་ཡོད་རྒུས་གསོ་སྐྱོང་ཡག་པོ་བྱས་ནས་རང་ཉིད་རི་ཁུལ་ནས་ཕྱིར་བསྐྱོད་དེ་སློབ་ཆེན་དུ་བསྐྱོད་ཐུབ་པ། ཕྲུ་གུ་ཚང་མར་གཅེས་པར་འོས་པའི་དགེ་རྒན་ཞིག་ཡོད་པའི་སྨོན་འདུན་ཞུ་རྒྱུ་ཡིན་ཅེས་འཕྲིན་ལན་བཞག་ཡོད་པ་རེད།
ཚེ་རིང་ཐར་གྱིས་བསྒྱུར།
放大
缩小
默认
