དྲོད་འཇམ་གྱི་རྟ་ལྗང་ཅན། །
བརྗིད་ཆགས་ཀྱི་རི་རྩེ་ནས། །
མུན་འཇོམ་གྱི་ཆུ་གྲི་བཞིན། །
སྒམ་བརླིང་ངང་འཆར་བའི་ཚེ། །
སྨག་རུམ་གྱི་འཛིན་མའི་ངོས། །
གསེར་མདོག་གི་ཕྱེ་མ་འདོར། །
རྨོངས་མུན་གྱི་མུན་པ་སེལ། །
མཛེས་ལྡན་གྱི་མེ་ཏོག་ལ། །
བཀྲ་ཤིས་པའི་འཛུམ་མདངས་རྒྱས། །
ལྕང་སྟེང་གི་བྱིའུ་ཆུང་རྣམས། །
གྲེ་འགྱུར་གྱི་གདངས་ལ་རྩེན། །
གསེར་མིག་གི་ཉ་ཆུང་དག །
གར་མཁན་མའི་ཚུལ་བཞིན་དུ། །
ལྡེམ་འཁྱུག་གི་བྲོ་ལ་རོལ། །
དཀར་གསལ་གྱི་སློབ་ཁང་ནང་། །
ཤེས་ལྡན་གྱི་བུ་སློབ་རྣམས། །
ལང་ཚོ་ཡི་ཟིལ་ཤུགས་ལས། །
འགྱུར་མེད་གྱི་བདེན་དོན་ཆེད།
གཙུག་ལག་གི་སློབ་གླིང་དུ། །
བརྩོན་འགྲུས་ཀྱི་ཤེས་བྱར་བརྩོན། །
མདུན་སྐྱོད་ཀྱི་སྤོབས་པས་ཕྱུག །
ལྷ་ས་ཅང་སུའུ་ཚོད་སློབ་ལང་ཚོའི་མེ་ཏོག་རྩོམ་རིག་ཚོགས་པ།
ཟུར་ཁྲིད་དགེ་རྒན། བོན་བསྟན་འཛིན།
