འདམ་གཞུང་རྫོང་སློབ་གསོ་ཅུས་ཀྱིས་རྫོང་ཁྲོམ་ར་ལྟ་འདོམས་ཅུས་དང་རྫོང་འཕྲོད་བསྟེན་བདེ་ཐང་ཨུ་ལྷན་དང་མཉམ་དུ། རྫོང་ཡོངས་ཀྱི་སློབ་གྲྭ་འབྲིང་ཆུང་དང་བུ་བཅོལ་ཁང་ཁག་གི་སློབ་གྲྭའི་གཙང་སྦྲ་འཕྲོད་བསྟེན་དང་། མེ་ཟོན་དང་བཟའ་བཅའི་བདེ་འཇགས་སོགས་ཀྱི་ལས་དོན་ལ་ཕྱོགས་ཡོངས་ནས་གྲལ་བཤེར་བྱས་པ་རེད།
ཞིབ་བཤེར་ཚོགས་ཆུང་གིས་སློབ་གྲྭའི་ཕྱི་ནང་དང་འཛིན་གྲྭའི་ཕྱི་ནང་གི་གཙང་སྦྲ་འཕྲོད་བསྟེན་དང་བདེ་འཇགས་ལ་གྲལ་བཤེར་ཞིབ་ཚགས་བྱས་པ་དང་ཁུག་ཆ་མ་ལུས་པ་བྱས་ཏེ། གནད་དོན་ཤེས་མ་ཐག རང་སར་གནད་དོན་ཐད་ཀར་དུ་བཏོན་ནས། ས་ཆ་དངོས་ནས་དག་ཐེར་སྐུལ་འདེད་བྱས་པ་དང་སློབ་གྲྭའི་ཁོར་ཡུག་ཕྱོགས་བསྡུས་བཅོས་སྒྲིག་གི་བྱ་སྤྱོད་དོན་འཁྱོལ་ནུས་ལྡན་བྱས་པ་རེད།
འདམ་གཞུང་རྫོང་སློབ་གསོ་ཁོངས་གཏོགས་ཀྱིས་ད་རེས་ཀྱི་གྲོང་ཁྱེར་དང་གྲོང་གསེབ་ཀྱི་ཁོར་ཡུག་གི་ཕྱོགས་བསྡུས་བཅོས་སྒྲིག་བྱ་སྤྱོད་གོ་སྐབས་སུ་བྱས་ཏེ། ལམ་ལུགས་དང་ལམ་སྲོལ་སྔར་བས་འཛུགས་པ་དང་འཐུས་སྒོ་ཚང་དུ་བཏང་ནས་སློབ་གྲྭའི་ཁོར་ཡུག་དང་། གཙང་སྦྲ་འཕྲོད་བསྟེན། བདེ་འཇགས་བཅས་ལ་ཟམ་མི་ཆད་པར་ཤུགས་སྣོན་བརྒྱབ་སྟེ། རྒྱ་ཆེའི་དགེ་སློབ་ལ་བདེ་འཇགས་དང་གཙང་སྦྲ་ལྡན་པའི་སློབ་གྲྭའི་ཁོར་ཡུག་ནུས་ཤུགས་ཡོད་རྒུས་གཏོད་རྒྱུ་དང་ཁོར་ཡུག་གི་ཕྱོགས་བསྡུས་བཅོས་སྒྲིག་བྱ་སྤྱོད་སྤེལ་རིང་། འདམ་གཞུང་རྫོང་སློབ་གསོ་ཁོངས་གཏོགས་ཀྱི་དགེ་མཚན་ལྡན་པའི་ནུས་པ་གང་ལེགས་འདོན་རྒྱུ་ཡིན་པ་རེད།
བོད་ལྗོངས་ཁྲིམས་ལུགས་ཚགས་པར་ལས་དྲངས།
