ཟླ་9ཚེས་2ཉིན་གུང་གཞོན་སྡེ་ཚོགས་བོད་ལྗོངས་ཨུ་ལྷན་གྱི་གྲོང་ཚོར་བཅའ་སྡོད་ལས་དོན་རུ་ཁག་དང་གྲོང་ཚོ “ཨུ་ལྷན་གཉིས”ཀྱིས་གྲོང་ཚོ་དེ་ཡོངས་ཀྱི་ཞིང་འབྲོག་མང་ཚོགས་སྒྲིག་འཛུགས་བྱས་ནས་བརྔ་བསྡུ་འཕྲུལ་ཆས་སྤྲོད་པའི་མཛད་སྒོ་འཚོགས་པ་རེད།
གུང་གཞོན་སྡེ་ཚོགས་བོད་ལྗོངས་ཨུ་ལྷན་གྱི་དགའ་ལྷ་གྲོང་ཚོར་བཅའ་སྡོད་ལས་དོན་རུ་ཁག་ཁག་བཅུ་གཉིས་པས་གྲོང་ཚོ་དེ་གའི་དོན་དངོས་དང་ཟུང་འབྲེལ་གྱིས་ཕྱོགས་མང་པོའི་ཐད་ནས་བརྟག་ཞིབ་བྱས་པ་བརྒྱུད་མང་ཚོགས་ཀྱི་དགོས་མཁོར་ཤེས་རྟོགས་དང་། རྨང་བརྟན་དམངས་ཕན་གྱི་མ་དངུལ་བེད་སྤྱོད་ཀྱིས་གྲོང་ཚོ་དེ་ཡོངས་ཀྱི་མང་ཚོགས་དུད་ཚང་154ལ་བརྔ་བསྡུ་འཕྲུལ་ཆས་ཉོས་ནས་སྟོན་བསྡུའི་ལས་དོན་ལ་སྐུལ་འདེད་བཏང་སྟེ་རྨང་བརྟན་དམངས་ཕན་གྱི་མ་དངུལ་སྒོར་ཁྲི་14.09དོན་འཁྱོལ་བྱས་པ་རེད། ཉིན་དེར་གྲོང་ཚོ་དེ་ཡོངས་ཀྱི་ཁྱོན་མི་300ལྷག་ཙམ་བརྔ་བསྡུ་འཕྲུལ་ཆས་སྤྲོད་པའི་མཛད་སྒོར་ཞུགས་པ་རེད།
གོམ་སྟབས་རྗེས་མར་གུང་གཞོན་སྡེ་ཚོགས་ཨུ་ལྷན་གྱི་གྲོང་ཚོར་བཅའ་སྡོད་ལས་དོན་རུ་ཁག་གིས་དགའ་ལྷ་གྲོང་ཚོའི་གཞོན་ནུའི་ཚོགས་མི་དང་། དང་བླངས་པ། གཞོན་ནུ་འཕྲལ་རྒོལ་རུ་ཁག་བཅས་སྒྲིག་འཛུགས་བྱས་ནས་ཞིང་ནང་དུ་བསྐྱོད་དེ་སྲིད་ཇུས་སྒྲོག་འགྲེལ་དང་། ངལ་རྩོལ་ནུས་ཤུགས་མི་འདང་བའི་དཀའ་ངལ་ཡོད་པའི་མང་ཚོགས་ལ་སྟོན་བསྡུའི་ལས་དོན་ལེགས་སྒྲུབ་བྱེད་རོགས་བྱས་ནས། མང་ཚོགས་ཀྱི་བདེ་སྐྱིད་ཚོར་སེམས་དང་ཐོབ་ཚོར་ཆེ་རུ་ཏན་ཏིག་བཏང་ཡོད་པ་རེད།
སྲུང་ལན་ཧྭ།
བསོད་བསྟན་གྱིས་བསྒྱུར།
