放大
缩小
默认ཉེ་ཆར་རྩྭ་མདའ་རྫོང་གིས“བློ་སེམས་གཅིག་སྒྲིལ་དུས་ཆེན་དགའ་གཏོང་བྱེད། མཐུན་སྒྲིལ་འབད་འབུངས་མཛེས་སྡུག་ལེ་ཚན་གཏོད”ཅེས་པ་བརྗོད་དོན་གཙོ་བོར་བྱས་པའི་མི་རིགས་མཐུན་སྒྲིལ་ཡར་ཐོན་ཟླ་བ་ཐེངས་35པའི་དྲིལ་བསྒྲགས་བྱེད་སྒོ་སྤེལ་བ་རེད།
འགོ་ཚུགས་མཛད་སྒོ་སྤེལ་ནས་རྣམ་པ་ཟབ་མོ་བཏོད་པ། མི་རིགས་མཐུན་སྒྲིལ་ཡར་ཐོན་དྲིལ་བསྒྲགས་བྱེད་སྒོའི་ཟླ་བ་སྤེལ་འགོ་ཚུགས་པའི་མཛད་སྒོ་མཐོ་ལྡིང་ཐང་ཆེན་དུ་དངོས་སུ་འགོ་ཚུགས་པ་རེད།
འགོ་ཚུགས་མཛད་སྒོ་མཇུག་འགྲིལ་རྗེས་རྫོང་ཨུད་འཐབ་ཕྱོགས་གཅིག་གྱུར་པུའུ（མི་རིགས་ཆོས་ལུགས་ལས་དོན་ཅུས）ཡིས་སྣེ་ཁྲིད་ནས་རྫོང་ཨུད་དྲིལ་བསྒྲགས་པུའུ་དང་། སློབ་གསོ་ཅུས། ཁྲིམས་འཛིན་ཅུས་སོགས་ཚན་པ་མང་པོ་སྒྲིག་འཛུགས་བྱས་ཏེ་མཐོ་ལྡིང་ཐང་ཆེན་དུ་མི་རིགས་མཐུན་སྒྲིལ་ཡར་ཐོན་གྱི་གཅིག་སྡུད་དྲིལ་བསྒྲགས་བྱེད་སྒོ་མཉམ་དུ་སྤེལ་བ་རེད། ཚན་པ་ཁག་གིས་རང་ངོས་ཀྱི་འགན་ནུས་དང་ཟུང་འབྲེལ་བྱས་ནས་སྲིད་ཇུས་བློ་འདྲི་སྟེགས་བུ་འཛུགས་པ་དང་། དྲིལ་བསྒྲགས་འཕྲེད་འགེལ་སྦྱར་ཡིག་འགེལ་བ། དྲིལ་བསྒྲགས་འགྲེམས་པང་སྒྲིག་པ། དྲིལ་བསྒྲགས་དཔྱད་གཞིའི་ཡིག་རིགས་དང་དྲིལ་བསྒྲགས་དངོས་རྫས་སྤྲོད་པ་སོགས་བྱ་ཐབས་སྣ་ཚོགས་བརྒྱུད་འགྲོ་འོང་མང་ཚོགས་ལ་ཏང་གི་མི་རིགས་ཀྱི་རིགས་པའི་གཞུང་ལུགས་དང་། མི་རིགས་སྲིད་ཇུས། བཅའ་ཁྲིམས་ཁྲིམས་སྲོལ། དེ་བཞིན་མི་རིགས་མཐུན་སྒྲིལ་གྱི་གཞི་རྩའི་ཤེས་བྱ་སོགས་དྲིལ་བསྒྲགས་རྒྱ་ཁྱབ་བྱས་ཡོད། ས་གནས་ས་ཐོག་ཏུ་གསར་དུ་བཟོ་བཅོས་བརྒྱབ་པའི《བོད་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་སྲོལ་ཡིག》དང་། མི་རིགས་མཐུན་སྒྲིལ་གྱི་དྲིལ་བསྒྲགས་ཤོག་ཕོར། ཡིག་ཁུག་སོགས་རིགས་ཁག་གི་དྲིལ་བསྒྲགས་དངོས་རྫས་བསྡོམས་4400ལྷག་ཙམ་སྤྲད་པར་མི་རིགས་ཁག་དང་ལས་རིགས་ཁག་གི་མང་ཚོགས་མི་ཐེངས་320ལྷག་ཙམ་ལ་ཁྱབ་ཡོད་པ་རེད།
བོད་ལྗོངས་ཉིན་རེའི་ཚགས་པར་ལས་དྲངས།
放大
缩小
默认
