འདི་ནི་འགྲན་བསྡུར་བྱ་ཡུལ་ཡིན་པ།
ཟླ་1ཚེས་21ཉིན། རང་སྐྱོང་ལྗོངས་ལུས་རྩལ་ཅུས་དང་རང་སྐྱོང་ལྗོངས་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་གཙོ་གཉེར་བྱས་པའི་བོད་རང་སྐྱོང་ལྗོངས་རྣ་དབང་སྐྱོན་ཅན་མི་ལྔའི་ལམ་ལུགས་ཀྱི་རྐང་རྩེད་སྤོ་ལོའི་མཛའ་གྲོགས་འགྲན་བསྡུར་སྐབས་དང་པོ་ལྷ་སའི་བྱང་འདབས་རྟ་རྒྱུག་ར་བར་སྤེལ་ཞིང་། གྲོང་ཁྱེར་དང་ས་ཁུལ་ཁག་ནས་ཡོང་བའི་རྣ་དབང་སྐྱོན་ཅན་གྱི་ལུས་རྩལ་པ་32ཀྱིས་སྒྲ་མེད་ཐོས་མེད་ཀྱི་འཇིག་རྟེན་དུ་ཕར་རྒྱུག་ཚུར་རྒྱུག་དང་། ཕན་ཚུན་གཞོགས་འདེགས། རྔུལ་ཆུ་བཅས་ལ་བརྟེན་ནས་ལུས་རྩལ་གྱི་ཡིད་དབང་འཕྲོག་ཤུགས་གསོན་ཉམས་དོད་པོས་མངོན་པར་བྱས་པ་རེད།
བོད་ལྗོངས་ཉིན་རེའི་ཚགས་པར་ལས་དྲངས།
