ཉེ་ཆར། ཧྲང་ཧའེ་རུ“ཀྲུང་གོ་རྒྱལ་སྤྱིའི་ནང་འདྲེན་འགྲེམས་ཚོགས་སྐབས་བརྒྱད་པའི”བོད་རང་སྐྱོང་ལྗོངས་ཀྱི་ཚོང་འགུགས་མ་འདྲེན་གྱི་འོས་སྦྱོར་ཚོགས་འདུ་འཚོགས་པ་རེད།
རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཀྲའོ་ཕེང་འོས་སྦྱོར་ཚོགས་འདུར་ཕེབས་ནས་ཤིས་ཚིག་བསྒྲོན་པ་རེད།
འོས་སྦྱོར་ཚོགས་འདུའི་ཐོག་ནན་བཤད་བྱས་དོན། བོད་ཀྱིས་ཚོང་གཉེར་ཁོར་ཡུག་ལེགས་སུ་གཏོང་རྒྱུ་དང་ཚོང་འགུགས་མ་འདྲེན་བྱེད་རྒྱ་ཆེ་རུ་གཏོང་རྒྱུ་དེ་ཐོག་མཐའ་བར་གསུམ་དུ“འདུ་འགོད་ཨང་དང་པོར”བརྩིས་ནས། ཐོན་ལས་ཚོང་འགུགས་དང་། རྣམ་གྲངས་ཇུས་འགོད། མ་འཇོག་དང་ལས་གཏོད་ཞབས་ཞུ། སྤུས་རྟགས་སྐྱེད་སྲིང་། ཁྲོམ་ར་གསར་འབྱེད་སོགས་ལ་བཀོད་སྒྲིག་རབ་དང་རིམ་པ་བྱས་ཏེ། རྒྱ་ཆེའི་ཁེ་ལས་བོད་དུ་འཕེལ་རྒྱས་འགྲོ་བར་འགན་ལེན་བརྟན་པོ་བྱ་རྒྱུ་མ་ཟད། ལྷན་རྒྱས་བོད་དུ་ཚོང་དོན་རྟོག་ཞིབ་དང་། མ་འཇོག་ལས་གཏོད། སྤྲོ་གསེང་ཡུལ་སྐོར་བཅས་བྱེད་པར་ཡོང་ནས་བོད་ཀྱི་ཞི་མཐུན་འཕེལ་རྒྱས་ཀྱི་སྤྱི་ཚོགས་ཉམས་བཟང་དང་། བོད་ཀྱི་ཐུན་མོང་མ་ཡིན་པའི་རིག་གནས། གངས་ལྗོངས་ས་མཐོའི་བརྗིད་ཉམས་བཅས་ཉམས་ལེན་བྱེད་པ་དང་ཆབས་ཅིག ཐུན་མོང་ཐོག་འོད་སྟོང་འཕྲོ་བའི་བྱ་གཞག་བཏོད་དེ། ཕན་ཚུན་ལག་གདང་སྦྲེལ་ནས་དར་རྒྱས་ཀྱི་ལེའུ་རྩོམ་དགོས།
དམ་ཆོས་མི་ཕམ་གྱིས་བསྒྱུར།
