འདི་ནི་ཟླ་མཆོད་དུས་ཆེན་དང་མི་རིགས་མཐུན་སྒྲིལ་ཡར་ཐོན་བྱེད་སྒོའི་ཟླ་བ་འཆར་ལ་ཉེ་བའི་སྐབས་སུ། གུང་གཞོན་སྡེ་ཚོགས་བོད་ལྗོངས་ཨུ་ལྷན་ལས་ཁུངས་ཀྱི་ཏང་ཀྲི་པུའུ་དང་པོས་བོད་ལྗོངས་གཞོན་ནུ་ལོ་ཆུང་གི་ལག་ལེན་སློབ་གསོའི་ཏང་ཀྲི་པུའུ་དང་མཉམ་དུ་བརྗོད་དོན་གཙོ་བོའི་ཏངགི་ཉིན་མོའི་བྱེད་སྒོ་སྤེལ་བའི་མཉམ་པར་ཡིན།
ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཀྲི་པུའུ་མཉམ་འཛུགས་ལས་དོན་རྒྱུན་ཆད་མེད་པར་རྒྱ་སྐྱེད་དང་ཕུན་སུམ་ཚོགས་སུ་གཏོང་བ། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བ་བཅས་ཀྱི་ཆེད་དུ། ཟླ་མཆོད་དུས་ཆེན་དང་མི་རིགས་མཐུན་སྒྲིལ་ཡར་ཐོན་བྱེད་སྒོའི་ཟླ་བ་འཆར་ལ་ཉེ་བའི་སྐབས་སུ། གུང་གཞོན་སྡེ་ཚོགས་བོད་ལྗོངས་ཨུ་ལྷན་ལས་ཁུངས་ཀྱི་ཏང་ཀྲི་པུའུ་དང་པོས་བོད་ལྗོངས་གཞོན་ནུ་ལོ་ཆུང་གི་ལག་ལེན་སློབ་གསོའི་གནས་གཞིའི་ཏང་ཀྲི་པུའུ་དང་མཉམ་འབྲེལ་བྱས་ནས་“མི་རིགས་མཐུན་སྒྲིལ་གྱི་སེམས་པ་ཏང་ལ་ཕྱོགས། བློ་སེམས་གཅིག་སྒྲིལ་གྱིས་དུས་རབས་གསར་པར་གཏོད”ཅེས་པའི་2024ལོའི་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་གཏོང་བའི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་ཞིང་། ཀྲི་པུའུ་ཏང་ཡོན་དང་དང་བླངས་པས་མི་རིགས་ཀྱི་རྒྱན་གོས་གྱོན་ནས་མཉམ་འཛོམས་ཀྱིས་ཐུན་མོང་ཐོག་ཀྲུང་གོའི་སྲོལ་རྒྱུན་དུས་ཆེན་ཟླ་མཆོད་དུས་ཆེན་ལ་མྱོང་རོལ་བྱས་པ་རེད།
བྱེད་སྒོ་སྤེལ་རིང་ཀྲི་པུའུ་ཏང་ཡོན་དང་དང་བླངས་པས་མཉམ་སྡེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་རིགས་ལས་དོན་སྐོར་གྱི་རྣམ་བཤད་གལ་ཆེན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་རིགས་ལས་དོན་ལ་ཤུགས་སྣོན་རྒྱག་པའི་སྐོར་གྱི་དགོངས་པ་གལ་ཆེན་དང་། བོད་རང་སྐྱོང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་གཏོད་པའི་སྲོལ་ཡིག་དང་རྩ་ཁྲིམས་ནང་གི་འབྲེལ་ཡོད་མི་རིགས་གནད་དོན་སྐོར་གྱི་གཏན་འབེབས་བཅས་ལ་སློབ་སྦྱོང་བྱས་པ་དང་། ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་གཏོང་རྒྱུའི་སྐོར་གྱི་ཆེད་དོན་འཆད་ཁྲིད་དང་མི་རིགས་རྒྱན་གོས་བྱ་དགའ་སྤྲོད་པའི་བརྙན་ལམ་ལ་གཅིག་སྡུད་ཐོག་བལྟས་པ་རེད།
“ཡར་ཕེབས་ཤོག་གང་ཡིན་ནམ། མར་ཞུགས་རོགས་ཟེར་བ་གང་ཡིན”སོགས་ཀྱི་ཀྲི་པུའུ་དབར་སློབ་སྦྱོང་སྤེལ་རེས་དང་། ཏང་ཀྲི་པུའུ་གཉིས་པོས་རྒྱུན་གཏན་འཚོ་བའི་རྣམ་པ་དང་ཟུང་འབྲེལ་བྱས་ནས་བོད་སྐད་ཀྱི་ཁ་སྐད་སློབ་སྦྱོང་བྱེད་སྒོ་སྤེལ་བ་དང་ཆབས་ཅིག་བོད་སྐད་སྦྱོང་ཐབས་དང་ཐབས་རྩལ་ཁག་གཅིག་ངོ་སྤྲོད་བྱས་ཡོད། སློབ་སྦྱོང་བྱེད་པའི་བརྒྱུད་རིམ་ནང་ཚང་མས་བོད་སྐད་ཀྱི་ཤེས་བྱ་སློབ་སྦྱོང་བྱས་པ་མ་ཟད། ད་དུང་བོད་དང་འབྲེལ་བ་ཡོད་པའི་རིག་གནས་དང་ཡུལ་སྲོལ་ཁག་ལ་ཤེས་རྟོགས་བྱས་ཡོད།
དེ་རྗེས་ཀྲི་པུའུ་ཏང་ཡོན་དང་དང་བླངས་པས་སྒྲོག་ཙེ་གཅིག་ཏུ་འཛོམས་ནས་ཕ་ཡུལ་གྱི་ཞིམ་ཟས་ལ་རོལ་བ་དང་ཞོར་དུ་སྒྲུང་ཐུང་མཉམ་སྤྱོད་བྱས། དེ་གར་ཡོད་པའི་ཀྲི་པུའུ་ཏང་ཡོན་གྱིས“བྲོ་བ་ཧ་ཅང་ཞིམ་པོ་འདུག ཕ་ཡུལ་གྱི་བྲོ་བ་ལྡན་པའི་ཟས་འདི་འདྲ་ཕྱི་ལོག་གི་ཟ་ཁང་གི་བཟོས་པ་ལས་ཞེ་དྲག་ཞིམ་པ་འདུག”ཅེས་བཤད། དེ་རྗེས་ཆེད་ལས་མ་བྱན་གྱིས་རོགས་རམ་འོག་ཀྲི་པུའུ་ཏང་ཡོན་དང་དང་བླངས་པས་ལག་ཤུབས་གྱོན་ནས་མཉམ་དུ་གྲོ་ཞིབ་མཉེད་པ་དང་ལྗིད་ཚད་འཇལ་བ། ནང་རྫས་ཐུམ་པ་སོགས་གོ་རིམ་ལྟར་ཟླ་མཆོད་བག་ལེབ་བཟོས་པ་རེད།
ཀྲི་པུའུ་ཏང་ཡོན་དང་དང་བླངས་པ་རྣམས་མཉམ་དུ་འཛོམས་ནས་ཟླ་མཆོད་བག་ལེབ་དང་ཤིང་འབྲས་ཀྱི་བྲོ་བ་མྱོང་ཞོར་ལ་གླེང་མོལ་གང་འདོད་བྱེད་བཞིན། ཚང་མས་ད་ཐེངས་ཀྱི་བྱེད་སྒོ་འདི་ལས་ཀྲི་པུའུ་ཡི་མི་རིགས་ཁག་གི་ཏང་ཡོན་དབར་འབྲེལ་གཏུག་དང་ཤེས་རྟོགས་བྱེད་ཟབ་ཏུ་ཕྱིན་པ་མ་ཟད། ད་དུང་ཀྲུང་ཧྭའི་ཕུལ་བྱུང་གི་སྲོལ་རྒྱུན་རིག་གནས་དར་སྤེལ་དང་བསམ་པའི་རིག་གནས་འཚོ་བ་ཕུན་སུམ་ཚོགས་སུ་ཕྱིན་ནས་ཚང་མར་གསོན་ཉམས་དོད་པའི་སྲོལ་རྒྱུན་རིག་གནས་སློབ་ཚན་ཞིག་འཚོགས་པ་རེད་ཅེས་གཅིག་རྗེས་གཉིས་མཐུད་ངང་བཤད།
ཚེ་རིང་ཐར་གྱིས་བསྒྱུར།
