ཉེ་ཆར་ལྷོ་ཁ་གྲོང་ཁྱེར་གྱི་རྒྱལ་ཡོངས་ས་རྒྱུ་ཡོངས་བཤེར་གྱི་ཡུལ་དངོས་བརྟག་དཔྱད་ཐེངས་གསུམ་པའི་དཔེ་ལེན་ལས་དོན་བདེ་བླག་ངང་མཇུག་འགྲིལ་བ་རེད། དཔེ་ལེན་ལས་དོན་སྤེལ་རིང་ལྷོ་ཁ་གྲོང་ཁྱེར་གྱིས་ཉིན་33གྱི་སྔ་སྣུར་དུ་ལྗོངས་ཡོངས་ནས་ས་ཁུལ（གྲོང་ཁྱེར）གྱི་དཔེ་ལེན་ས་ཚིགས་དང་པོ་དེར་བརྟག་དཔྱད་དང་དཔེ་ལེན་ལས་དོན་ལེགས་སྒྲུབ་བྱས་པ་རེད།
ཡུལ་དངོས་བརྟག་དཔྱད་དཔེ་ལེན་བྱེད་པ་ནི་ས་རྒྱུ་ཡོངས་བཤེར་གྱི་ཆེས་རྨང་གཞིའི་འགག་རྩའི་ལྷུ་ཚིགས་ཤིག་རེད་ལ། ཡོངས་བཤེར་གྲུབ་འབྲས་ཀྱི་ཚན་རིག་རང་བཞིན་དང་གནད་འཁེལ་རང་བཞིན་གཏན་འཁེལ་བྱེད་པའི་ལྟེ་བ་ཡང་རེད། 2023ལོའི་ཟླ་11ཚེས་6ཉིན་ལྷོ་བྲག་རྫོང་དུ་ཡུལ་དངོས་བརྟག་དཔྱད་དཔེ་ལེན་གྱི“ཁེམ་དང་པོ”བཙུགས་པ་ནས་བཟུང་། གྲོང་ཁྱེར་དང་རྫོང（ཆུས་དང་གྲོང་ཁྱེར）ཡོངས་ཀྱི“ཡོངས་བཤེར་གསུམ་པའི”གཞུང་དོན་ཁང་གིས་སྤུས་ཚད་ལ་འགན་ལེན་དང་ལག་རྩལ་མཛུབ་ཁྲིད་ཀྱི་བརྒྱུད་རིམ་ཧྲིལ་པོར་རྗེས་སྙེག་བྱས་ཏེ་ལས་དུས་འཕར་མ་བྱས་པ་དང་ནུས་ཤུགས་ཡོད་རྒུས་གདོང་མཆོང་བྱས་ནས་གྲོང་ཁྱེར་ཡོངས་ཀྱི་གོང་འོག་ཚང་མར“བསམ་ཇུས་གཅིག”གི་ལས་ཀའི་རྣམ་པ་ཞིག་ཆགས་པ་མ་ཟད། ད་དུང“ཡོངས་བཤེར་གསུམ་པའི”སྲིད་ཇུས་ཁག་གྲོང་ཚོ（དུད་ཚང）ཚང་མར་དྲིལ་བསྒྲགས་བྱས་ནས་ས་རྒྱུ་ཡོངས་བཤེར་མི་སེམས་སུ་ཟུག་པ་དང་སྤྱི་ཚོགས་ཡོངས་ཀྱིས་ས་རྒྱུ་ཡོངས་བཤེར་ལ་དོ་ཁུར་བྱེད་པའི་རྣམ་པ་བཟང་པོ་ཞིག་བཏོད་ཡོད།
ལྷ་དབང་དང་ཟླ་ཕུར་གྱིས་བསྒྱུར།
