འདི་ནི་ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭའི་སློབ་མ་ཚོས་ཚེམ་བུའི་ལག་རྩལ་སྦྱོང་བཞིན་པ།
ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭ་ནི་2000ལོར་བཙུགས་ཤིང་། དེ་ནི་རང་ལྗོངས་ཀྱི་སློབ་མ་ལོང་བ་དང་། འོན་ལྐུགས། རིག་སྐྱོན་ཅན་བཅས་གསོ་སྐྱོང་བྱེད་པའི་ཕྱོགས་བསྡུས་རང་བཞིན་གྱི་དམིགས་བསལ་སློབ་གསོའི་སློབ་གྲྭ་ཞིག་ཡིན། སློབ་གྲྭ་བཙུགས་རྗེས་བོད་དུ་ཆེད་མངགས་ཀྱི་དམིགས་བསལ་སློབ་གསོའི་སློབ་གྲྭ་མེད་པའི་ལོ་རྒྱུས་མཇུག་འགྲིལ་བ་དང་ཆབས་ཅིག བོད་ཀྱི་སློབ་གསོའི་སྟོང་ཆ་ཞིག་ཀྱང་བསྐངས་ནས། རང་ལྗོངས་ཀྱི་བྱིས་པ་ལོང་བ་དང་། འོན་ལྐུགས། རིག་སྐྱོན་ཅན་བཅས་ལ་སློབ་གསོ་མྱོང་བའི་གོ་སྐབས་བསྩལ་ཡོད་པ་རེད། ལྷ་ས་གྲོང་ཁྱེར་དམིགས་བསལ་སློབ་གསོའི་སློབ་གྲྭས་ཕྱོགས་ཡོངས་ཡར་རྒྱས་ཀྱི་སློབ་གསོ་ལག་བསྟར་བྱས་ནས་ཁོང་ཚོ་སྤྱི་ཚོགས་དང་འཚམ་པ་དང་། སྤྱི་ཚོགས་ནང་འདྲེས་ཐུབ་པ། སྤྱི་ཚོགས་ནང་ཞུགས་པ་བཅས་ལ་རྨང་གཞི་བརྟན་པོ་བཏིངས་ཡོད་པ་རེད།
