༄༅། །ངའི་སྨྱུག་རྩེ་ལས་འཁྱུག་པའི་དགོད་གཏམ།

རྒྱབ་གཟུགས་མང་པོས་གྲུབ་པའི་གྲོང་ཁྱེར་འདིའི་དབུས་ནས། གཏམ་རྒྱུད་གང་མང་ཞིག་སྙན་པའི་གླུ་རུ་མ་གྱེར་ལ། བརྩེ་བའི་སྙིང་ཁར་རུམ་མ་མྱོང་། ཨེ་མ། རྟ་མཆོག་གི་རྨིག་སྒྲས་ཀྱང་བགྲོད་དཀའ་བའི་ཐང་ཆེན་ཡངས་པོ་དང་ལ་ཀླུང་གྲངས་མེད་དག ད་ཆ་ཨར་འདམ་གྱི་བཟོ་སྐྲུན་གྱིས་ཁེངས་ཤིང་འཕྲུལ་འཁོར་ལྡིར་སྒྲས་ཉལ་བའི་གཉིད་ཀྱང་དཀྲོག་པར་བྱེད། ངས་དྲན་པའི་ཀློང་རིམ་ཁྲོད་ག་ལེར་བསྐྱངས་པའི་དུས་ན། དབྱར་ཟླ་དྲུག་པའི་མེ་ཏོག་ལྟ་བུའི་འཇོག་སྒེག་གི་ན་ཆུང་བུ་མོ་རེ་རེས་ཚ་ལམ་ལམ་གྱི་ཟུར་མིག་བལྟ་ཕྱོགས་དང་དགའ་སྐྱོ་གཉིས་ལྡན་གྱི་རྫི་གླུ་རེ་ལེན་པར་བྱེད། ཡུལ་ལུང་འདིའི་ས་སྲོས་ཀྱི་ཉིན་ཞིག་ལ་མུན་ཁུང་སྨག་རུམ་ཁྲོད་དུ་ངའི་ཡོད་ཚད་རྨི་ལམ་ལྟར་རྨིས། སྐབས་རེར་ཡུལ་ལུང་འདིའི་ཉིན་དགུང་ཧ་ཅང་ཚ་གདུགས་ཁྲོད་དུ་ངས་སིལ་འཇམ་གྱི་རླུང་སིལ་ཞིག་བརྒྱབ་ན་བསམ།

བསམ་ཡུལ་ལས་འདས་པར་མཁའ་དབྱིངས་ནས་སྤྲིན་པ་ཐ་ཐོར་ཞིག་ངའི་གྲིབ་གཟུགས་ཇི་བཞིན། སེམས་ལ་བཟོད་པར་དཀའ་བའི་སྐྱོ་སྣང་རེ་རེ་དང་། ན་ཟུག་རེ་རེ། ང་ནི་ས་མཐའི་དྲན་དུང་གིས་རྒས་ཚུལ་ཡིད་ལ་རེ་དྲན་ཞིང་། འཇིག་རྟེན་འདིར་རྟག་བརྟན་གྱི་བརྩེ་བ་གླེང་བའི་དམ་ཚིག་ཟབ་མོར། དུས་ཚིགས་ཀྱི་སྒལ་གཞུང་ནས་རྙིད་ཟིན། ཆོས་ཉིད་ཀྱི་ལྡོག་ཐབས་དང་བཅས་ཏེ། སྔོན་ཆད་ཁྱེད་ཀྱིས་བཤད་མ་ཕོད་པ་མང་དག་ཞིག་ད་རེས་སྐབས་དང་བསྟུན་ཏེ་བཤད་མྱོང་ལ། ངས་ཀྱང་བརྗོད་པར་དཀའ་བའི་སྙིང་གཏམ་གྲངས་མེད་ཞིག་སྦ་གསང་མེད་པར་ཁྱེད་ལ་བརྗོད་པར་ཐལ། དེ་དང་སྦྲགས་མི་ཚེ་འདི་ཡི་ལམ་དུ་ང་གཉིས་ས་ཕྱོགས་གང་སར་དཔུང་པ་མཉམ་གཤིབ་ཀྱིས། སྨུག་ལོང་གིས་གཡོགས་པའི་མི་ཡུལ་གྱི་ཞིང་ཁམས་འདིར་གདུང་འབོད་བྱེད། འོན་ཀྱང་ད་ལྟ་གྲང་ངར་ཤིན་ཏུ་ཆེ་བའི་འཁྱགས་རོམ་གྱི་དགུན་གཞུང་འདིར་སླེབས་ཤིང་། གྲང་རླུང་འུར་འུར་དུ་ལྡང་ཞིང་ཁ་བ་བུ་ཡུག་འཚུབ་པའི་ཁྲོད་ནས་གདམ་གསེས་བྲལ་བའི་འདུན་པ་དེའི་སླད་དུ། ཁྱེད་ཀྱི་དྭངས་གཙང་གི་རྒྱབ་གཟུགས་དང་འགྲོགས་ཏེ་གྱེས་སོང་ཡང་། དེ་དུས་ང་ལ་སྦྱིན་པ་ནི་རྩ་ཆེའི་དུས་ཚོད་དང་བར་ཐག་ཡིན་པས། ངས་ཐག་རིང་ཕ་མཐའ་ཡལ་བའི་ཡུལ་གྲུ་རྒྱུད་མེད་ཞིག་ལ་ལྡིང་བསྐོར་བརྒྱབ་ནས་མདུན་ལམ་ཞིག་གི་ཆེད་དུ་དྭངས་གཙང་གི་ཕ་ཡུལ་དང་བྲལ་ཏེ། ཐག་རིང་མི་ཡུལ་འགྲིམས་ཏེ་རང་དགོས་འཚོ་བའི་ལས་ལ་རོལ་འགོ་ཚུགས་པ་དག་ངའི་སྨྱུག་རྩེ་འདི་ལས་ཚམ་ཚོམ་མེད་པར་བྲིས་པར་འདོད་དོ། །