放大
缩小
默认ཉིན་ཤས་གོང་། “ཤེས་ལྡན་པ་མཉམ་བསྡུས་ཀྱིས་ས་མཐོར་ཕུགས་འདུན་འགྲུབ”ཅེས་པའི་2025ལོའི་བོད་ཀྱི་ཤེས་ལྡན་པ་ནང་འདྲེན་དང་བློ་རིག་འགུགས་པའི་འོས་སྦྱོར་བྱེད་སྒོ་ལན་ཀྲོའུ་སློབ་ཆེན་དང་། ནུབ་བྱང་ཞིང་ནགས་ཚན་རྩལ་སློབ་ཆེན། ཀྲེང་ཀྲོའུ་སློབ་ཆེན་བཅས་ལ་སྔ་རྗེས་སུ་སྤེལ་བ་རེད།
ཐེངས་འདིའི་བྱེད་སྒོའི་ཐོག ས་མཐོའི་ཁྱད་ལྡན་ཞིང་འབྲོག་ལས་དང་། ནུས་རྒྱུ་གཙང་མ། ལྗང་མདོག་བཟོ་ལས། རིག་གནས་ཡུལ་སྐོར། བོད་ལུགས་གསོ་རིག་སྨན་རྫས་སོགས་གཙོ་གནད་ཐོན་ལས་འཕེལ་རྒྱས་དང་དམངས་འཚོའི་ཁྱབ་ཁོངས་ལ་དམིགས་ནས་རིམ་པ་མཐོ་བ་དང་འཕྲལ་མཁོ་ཆེ་བའི་ཤེས་ལྡན་པ་ནང་འདྲེན་གྱི་དགོས་མཁོ་600ལྷག་དང་ལག་རྩལ་མཉམ་ལས་ཀྱི་དགོས་མཁོ་88ཁྱབ་བསྒྲགས་བྱས་ཏེ། རྒྱ་ཆེའི་ཕུགས་འདུན་ཡོད་པའི་གཞོན་ནུ་རྣམས་ལ་ས་མཐོར་ཕུགས་འདུན་མངོན་འགྱུར་བྱེད་པའི་སྦྲེལ་མཐུད་ལས་སྟེགས་བཏོད་ཡོད་པ་རེད།
ཤེས་རྟོགས་བྱུང་བར་གཞིགས་ན། ཉེ་བའི་ལོ་ཤས་རིང་། རང་ལྗོངས་ཀྱིས་དུས་རབས་གསར་པའི་བོད་ཀྱི་ཤེས་ལྡན་པའི་ལས་དོན་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་བྱེད་ཐབས་19བཏོན་ཐོག པེ་ཅིང་དང་། ཧྲང་ཧའེ། ཁྲེང་ཏུའུ་སོགས་གྲོང་ཁྱེར་དང་། ཆིང་ཧྭ་སློབ་ཆེན་དང་པེ་ཅིང་སློབ་ཆེན་སོགས་མཐོ་སློབ་ཁག་ནས་ཤེས་ལྡན་པ་དང་བློ་རིག་འདྲེན་འགུགས་ཀྱི་བྱེད་སྒོ་ཐེངས་མང་སྤེལ་ཏེ། དཔལ་འབྱོར་དང་སྤྱི་ཚོགས་འཕེལ་རྒྱས་ལ་འཕྲལ་མཁོ་ཆེ་བའི་ཕྱོགས་ཁག་གི་ཕུལ་བྱུང་ཤེས་ལྡན་པ་ནང་འདྲེན་ཤུགས་ཆེན་བྱས་ནས། བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་གསོན་ཤུགས་གསར་པ་རྒྱུན་ཆད་མེད་པར་བསྣན་ཡོད་པ་རེད།
དམ་ཆོས་མི་ཕམ་གྱིས་བསྒྱུར།
放大
缩小
默认
