放大
缩小
默认ཉེ་ཆར། ལྷ་རྩེ་རྫོང་མི་དམངས་ཞིབ་དཔྱོད་ཁང་གིས་མི་དམངས་འཐུས་ཚོགས་ཀྱི་འཐུས་མི་དང་སྲིད་གྲོས་ཀྱི་ཨུ་ཡོན་དང་། རྫོང་ཁྲིམས་ཁང་དང་། རྫོང་ཁྲིམས་འཛིན་ཅུས། རྫོང་བཅའ་ཁྲིམས་རོགས་སྐྱོར་ལྟེ་གནས། དཔེ་བཟང་ཁྱིམ་ཚང་དང་མང་ཚོགས་བཅས་ཀྱི་འཐུས་མི་སོགས་ཞིབ་དཔྱོད་ལས་ཁུངས་སུ་གདན་དྲངས་ཏེ། “བཅའ་ཁྲིམས་ལ་བརྟེན་ནས་སྲུང་སྐྱོང་དང་། དམངས་ཆེད་ཞིབ་དཔྱོད་ལས་དོན་སྤེལ་ནས་མཛེས་སྡུག་ལྡན་པའི་འཚོ་བ་གཏོད་པ”ཞེས་པ་བརྗོད་དོན་གཙོ་བོར་བྱས་པའི་ཞིབ་དཔྱོད་སྒོ་དབྱེའི་ཉིན་མོའི་བྱེད་སྒོ་སྤེལ་བ་རེད།
བྱེད་སྒོ་སྤེལ་འགོ་ཚུགས་རྗེས། ཞིབ་དཔྱོད་ལས་བྱེད་ཉེན་རྟོག་པས་གདན་ཞུས་འཐུས་མིའི་སྣེ་ཁྲིད་དེ། “12309”ཞིབ་དཔྱོད་ཞབས་ཞུའི་ལྟེ་གནས་དང་། ཞིབ་དཔྱོད་ཁང་གི་ལས་སྒྲུབ་ཁུལ། མི་རིགས་མཐུན་སྒྲིལ་རིག་གནས་ཁྱམས་རིང་སོགས་ལ་ལྟ་སྐོར་བྱས་པ་དང་འབྲེལ། “གཅིག་འཐུས་རྣམ་པའི”ཞབས་འདེགས་ཞུ་ཐབས་དང་། དེ་བཞིན་ཞིབ་དཔྱོད་ལས་ཁུངས་ཀྱིས་མི་རིགས་མཐུན་སྒྲིལ་སྲུང་སྐྱོང་དང་མི་རིགས་ས་ཁུལ་གྱི་ཞི་མཐུན་བརྟན་ལྷིང་ལ་སྐུལ་འདེད་གཏོང་བའི་ལས་ཀའི་གནས་ཚུལ་ངོ་སྤྲོད་བྱས་ཏེ། འཐུས་མི་ཚོར་ཞིབ་དཔྱོད་ལས་ཀའི་བརྒྱུད་རིམ་དང་མང་ཚོགས་ལ་ཞབས་འདེགས་ཞུ་བའི་ཕན་འབྲས་ཐད་ཀར་མྱོང་ཚོར་ཐུབ་པར་བྱས་པ་རེད།
དེ་རྗེས། ཞིབ་དཔྱོད་ལས་བྱེད་ཉེན་རྟོག་པས་གདན་ཞུས་འཐུས་མིར་དམངས་དོན་ཁྲིམས་གཞུང་གི་དྲིལ་བསྒྲགས་ལག་དེབ་སྤྲད་པ་དང་འབྲེལ། གན་རྒྱའི་རྩོད་གཞི་དང་དབང་གནོད་འགན་འཁྲི་སོགས་ཞིབ་དཔྱོད་ལས་དོན་དང་འབྲེལ་བ་དམ་ཟབ་ཡོད་པའི་དོན་ཚན་ལ་དམིགས་ནས་སྤེལ་རེས་བྱས་ཏེ། ཞིབ་དཔྱོད་ལྟ་སྐུལ་གྱི་ཟུར་ཚད་ཐོག་ནས་ཁྲིམས་འཛིན་ལག་ལེན་བསྟར་རིང་དམངས་དོན་ཁྲིམས་གཞུང་སྤྱོད་སྟངས་ལ་དབྱེ་ཞིབ་བྱས་པ་རེད།
པ་ཚེ་དང་བུ་ཁྲིད་ཀྱིས་བསྒྱུར།
放大
缩小
默认
