放大
缩小
默认
འདི་ནི་མེ་གསོད་རུ་མིས་གསོ་སྦྱོང་ནང་ཞུགས་མཁན་ནགས་སྲུང་བར་མེ་ཟོན་སྒྲིག་ཆས་བཀོལ་སྤྱོད་བྱེད་སྟངས་སློབ་བཞིན་པ།
ཉེ་ཆར། ལྷ་ས་མེ་གསོད་རོགས་སྐྱོབ་སྐབས་བསྟུན་ཉིང་ལག་རུ་ཁག་ནག་ཆུ་རུ་ཆེན་གྱི་བཅའ་སྡོད་ཡན་ལག་རུ་ཁག་གིས་ལྷ་རི་རྫོང་ཉི་འོད་ཤང་དུ་ནགས་སྲུང་བར་ནགས་ཚལ་མེ་ཟོན་མེ་གསོད་ཀྱི་ཆེད་དོན་གསོ་སྦྱོང་བྱས་པ་རེད། གསོ་སྦྱོང་བྱེད་རིང་། བཅའ་སྡོད་ཡན་ལག་རུ་ཁག་གི་བཀོད་འཐབ་པས་ཉི་འོད་ཤང་གི་དོན་དངོས་ལ་གཞི་ཚུགས་ཏེ། ནགས་ཚལ་དང་རྩྭ་ཐང་གི་མེ་ཟོན་སྲིད་ཇུས་དང་ཁྲིམས་སྲོལ་དང་། མེ་ཁུངས་དོ་དམ་ཚོད་འཛིན། མངོན་མེད་རྐྱེན་ངན་གྲལ་བཤེར། མེ་སྐྱོན་སྔ་ས་ནས་ཐག་གཅོད། བདེ་འཇགས་ཉེན་གཡོལ་སོགས་ལ་གཙོ་བོར་དམིགས་ནས་འགྲེལ་བཤད་ཞིབ་ཚགས་བརྒྱབ་པ་མ་ཟད། མེ་གསོད་སྒྲིག་ཆས་བཀོལ་སྤྱོད་དང་སྟབས་བདེའི་མེ་སྐྱོན་ཐག་གཅོད་བྱེད་ཐབས་སོགས་བསླབས་ཏེ། གསོ་སྦྱོང་ནང་ཞུགས་མཁན་གྱིས་ནགས་སྲུང་ཤེས་བྱ་གོ་ཐུབ་པ་དང་སྤྱོད་ཐུབ་པ་བྱས་ཡོད།
བོད་ལྗོངས་ཉིན་རེའི་ཚགས་པར་ལས་དྲངས།
放大
缩小
默认
