放大
缩小
默认
འདི་ནི་ནན་ཅིན་གྲོང་ཁྱེར་ལྷ་ས་ལམ་སློབ་ཆུང་སློབ་གསོ་ཚོགས་པས་ལྷ་ས་གྲོང་ཁྱེར་སྣེའུ་ཁུལ་གསར་གྱི་སློབ་ཆུང་གཉིས་པར་ཡན་ལག་སློབ་གྲྭ་བཙུགས་པ་དང་འབྲེལ་སྒོ་བྱང་སྒོ་འབྱེད་མཛད་སྒོའི་ཡུལ་དངོས།
ཟླ་12ཚེས་25ཉིན། ནན་ཅིན་གྲོང་ཁྱེར་ལྷ་ས་ལམ་སློབ་ཆུང་སློབ་གསོ་ཚོགས་པས་ལྷ་ས་གྲོང་ཁྱེར་སྣེའུ་ ཁུལ་གསར་གྱི་སློབ་ཆུང་གཉིས་པར་ཡན་ལག་སློབ་གྲྭ་བཙུགས་པ་དང་འབྲེལ་སྒོ་བྱང་སྒོ་འབྱེད་མཛད་སྒོ་འཚོགས་པ་རེད།
ནན་ཅིན་གྲོང་ཁྱེར་ལྷ་ས་ལམ་སློབ་ཆུང་སློབ་གསོ་ཚོགས་པའི（ལྷ་ས་ཡན་ལག་སློབ་གྲྭ）སྒོ་བྱང་སྒོ་འབྱེད་པའི་དམིགས་ཡུལ་ནི་སྤུས་ལེགས་སློབ་ཚན་མ་ལག་ནང་འདྲེན་དང་། “དགེ་རྒན་གཉིས་ཀྱི་སློབ་ཚན་”འཛུགས་པ། དགེ་སློབ་ཕན་ཚུན་འཚམས་འདྲི་སྤེལ་རེས་བྱེད་པ། སློབ་གསོའི་སྟེགས་བུ་ཐུན་མོང་དུ་འཛུགས་པ་སོགས་བྱས་ཏེ།“ཁྲག་འདྲེས་རྣམ་པའི”རོགས་རམ་བྱེད་པ་ནི“ཁྲག་བཟོ་རྣམ་པའི”ནུས་པ་སྤྲོད་བར་བསྒྱུར་རྒྱུ་དེ་ཡིན།
དེ་དང་ཆབས་ཅིག་སློབ་གྲྭ་གཉིས་ཀྱིས་ལག་གདང་སྦྲེལ་ནས་ཐུན་མོང་དུ་བསྐྲུན་པའི“སློབ་གཙོའི་ལས་དོན་ཁང་གཟབ་ནན་བྱས་པ་དང་གོམ་པ་བརྒྱ་ཡི་དགེ་རྒན་གྲགས་ཅན་གྱི་ལས་དོན་ཁང་”དངོས་སུ་སྒོ་འབྱེད་ཅིང་། དེས་དགེ་རྒན་གྲགས་ཅན་གྱིས་སྣེ་ཁྲིད་བྱེད་པ་དང་དགེ་རྒན་ཐུན་མོང་གསོ་སྐྱོང་བྱེད་པའི་མཉམ་ལས་སྟེགས་བུ་དངོས་སུ་གཞི་ཚུགས་པ་མཚོན་ཡོད།
སྒོ་བྱང་སྒོ་འབྱེད་མཛད་སྒོའི་ཐོག་ནན་ཅིན་གྲོང་ཁྱེར་ཀུའུ་ལོའུ་ཆུས་སློབ་གསོ་ཅུས་དང་ལྷ་ས་མཐོ་གསར་ཁུལ་（སྣེའུ་ཁུལ་གསར་）དོ་དམ་ཨུ་ལྷན། ནན་ཅིན་གྲོང་ཁྱེར་ལྷ་ས་ལམ་སློབ་ཆུང་དང་ལྷ་ས་གྲོང་ཁྱེར་སྣེའུ་ཁུལ་གསར་གྱི་སློབ་ཆུང་གཉིས་པ་བཅས་ཀྱིས་《མཉམ་ལས་སློབ་གཉེར་གྲོས་མཐུན་ཡི་གེ་》དང་《མཉམ་སྐྲུན་རྣམ་པའི་སློབ་གསོ་མཉམ་འབྲེལ་སྒྲིག་གཞི་གྲོས་མཐུན་ཡི་གེ་》སོ་སོར་མིང་རྟགས་བཀོད་ནས་མཉམ་ལས་རྨང་གཞི་སྔར་བས་སྲ་བརྟན་དུ་བཏང་བ་རེད།
ལྷ་ས་གྲོང་ཁྱེར་སྣེའུ་ཁུལ་གསར་གྱི་སློབ་ཆུང་གཉིས་པའི་སློབ་གཙོ་གཞོན་པ་ཀྲུའུ་དབྱིས་“འདིས་སྣེའུ་སློབ་ཆུང་གཉིས་པའི་འཕེལ་རྒྱས་ལ་སྒུལ་ཤུགས་ནན་པོ་བསྣན་པར་མ་ཟད། ས་གནས་དེ་གའི་ཕྲུ་གུ་ཚོར་སྒོ་འགྲམ་དུ་སྤུས་ལེགས་ཀྱི་སློབ་གསོའི་ཐོན་ཁུངས་ལོངས་སུ་སྤྱོད་ཐུབ་པ་བྱུང་ཡོད།”ད་ཐེངས་ཀྱི་སྒོ་བྱང་སྒོ་འབྱེད་དང་མིང་རྟགས་འགོད་པའི་མཛད་སྒོ་གྲུབ་འབྲས་ཐོབ་པའི་ངང་འཚོགས་པ་དེ་ནི་ས་གནས་གཉིས་ཀྱི་མཛའ་གྲོགས་ཟབ་མོ་རྒྱུན་མཐུད་བྱས་པ་ཞིག་ཡིན་ལ། དུས་རབས་གསར་པའི་སློབ་གསོའི་བོད་སྐྱོར་ལས་དོན་གྱིས་“ཁྲག་རྒྱག་པའི”ནས་“ཁྲག་བཟོ་པའི”བར་དང་། “ཕྱོགས་གཅིག་གི་རྒྱབ་སྐྱོར”ནས“མཐུན་སྦྱོར་འཕེལ་རྒྱས”བར་གྱི་གསར་གཏོད་ལག་ལེན་ཞིག་ཀྱང་ཡིན།
ལྷ་ས་གྲོང་ཁྱེར་སྣེའུ་ཁུལ་གསར་གྱི་སློབ་ཆུང་གཉིས་པའི་བསམ་བློ་ཆབ་སྲིད་གཞུང་དོན་ཁང་གི་འགན་འཁུར་པ་ལིན་ཧུའེ་ཡིས་“ང་ཚོས་སྔོན་ཐོན་གྱི་སློབ་གསོའི་འདུ་ཤེས་དང་སློབ་ཁྲིད་བྱ་ཐབས་ནང་འདྲེན་བྱས་ནས་ཕྲུ་གུ་རྣམས་གངས་ལྗོངས་ཀྱི་ཕ་ཡུལ་དུ་རྩ་བ་ཚུགས་ཐུབ་པ་མ་ཟད། ལྗོངས་ཕྱི་རོལ་གྱི་སློབ་གསོའི་འཚོ་བཅུད་ཀྱང་ཉམས་ལེན་ཐུབ་རྒྱུ་ཡིན”ཅེས་བཤད་པ་རེད།
ཚེ་རིང་ཐར་གྱིས་བསྒྱུར།
放大
缩小
默认
