放大
缩小
默认ཟླ་12ཚེས་22ཉིན་གྱི་སྔ་དྲོར། རང་ལྗོངས་ཀྱིས་ལྷ་སའི་ལྷོ་རི་བྱང་རིའི་སྔོ་འགྱུར་གྱི་མེ་གསོད་མི་སྐྱོབ་ཀྱི་དངོས་འཐབ་ནང་སྦྱོང་སྒྲིག་འཛུགས་བྱས་ནས་སྤེལ་བ་རེད།
རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་འཇམ་དཔལ་ཞུགས་པ་དང་འབྲེལ་གསུང་བཤད་ཀྱང་གནང་བ་རེད།
ནང་སྦྱོང་བྱེད་རིང་ལྷ་ས་གྲོང་ཁྱེར་མེ་ཟོན་རོགས་སྐྱོབ་ཉིང་ལག་རུ་ཁག་དང་ལྷ་ས་གྲོང་ཁྱེར་ནགས་ཚལ་མེ་ཟོན་རོགས་སྐྱོབ་རུ་ཆེན་གྱི་ཆེད་ལས་རོགས་སྐྱོབ་སྟོབས་ཤུགས་སྐོང་འཐེན་བྱས་ནས། མེ་སྐྱོན་གྱི་ཉེན་བརྡ་དང་ལེན་དང་། ས་གནས་ས་ཐོག་ཏུ་བཀོད་འདོམས་བཀོད་གཏོང་། མེ་སྐྱོན་ཐོན་མ་ཐག་ཐག་གཅོད། འཕྲལ་སྡོམ་ཉེན་སེལ་དང་མི་སྐྱོབ། མེ་ཤོར་ཡུལ་གཙང་བཟོ་ལྟ་སྲུང་སོགས་ཀྱི་རྒྱུ་རྐྱེན་ཡོངས་དང་བརྒྱུད་རིམ་ཧྲིལ་པོའི་ཐོག་ནས་ནགས་ཚལ་མེ་གསོད་མི་སྐྱོབ་ལས་དོན་སྤེལ་ཏེ། ལྷོ་རི་བྱང་རིའི་སྔོ་འགྱུར་གྱི་ནགས་ཚལ་མེ་ཟོན་གྱི་ནུས་པར་ཕྱོགས་ཡོངས་ནས་ཞིབ་དཔྱད་བྱས་པ་རེད།
འཇམ་དཔལ་གྱིས་ནང་སྦྱོང་ལ་གཟིཌ་རྗེས། སྡེ་ཚན་ཁག་དང་། ཚན་པ་ཁག ཁེ་ལས་ཁག་བཅས་ཀྱིས་ཆབ་སྲིད་ཀྱི་ཚུཌ་གནས་མཐོ་རུ་གཏོང་བ་དང་། དུས་བབ་དང་ལས་འགན་གསལ་པོ་རྟོཌ་པ། མེ་ཟོན་གྱི་མཐའ་ཚད་བརྟན་པོ་སྲུང་བ། འགན་འཁྲི་ནན་པོ་འཁུར་བ། མཉམ་འཛིན་སྤྱི་སྒྲུབ་བྱེད་ཤུགས་ཆེ་རུ་གཏོང་བ། མེ་སྐྱོན་སྔོན་འགོག་ནན་པོ་བྱེད་པ། ནང་སྦྱོང་གི་གྲུབ་འབྲས་དང་ཡང་ཡང་བསྡུར་བ། ཉམས་མྱོང་དང་བྱ་ཐབས་ལ་སློབ་སྦྱོང་བྱེད་པ། ཆུ་མ་ཤོར་གོང་ནས་རཌ་རྒྱག་པ་དང་མ་བྱུང་སྔོན་འགོག་མཐའ་འཁྱོངས་བྱེད་པ། ནང་སྦྱོང་ལ་བརྟེན་ནས་སྔོན་འགོག་ལ་སྐུལ་འདེད་གཏོང་བ་དང་ནང་སྦྱོང་ལ་བརྟེན་ནས་དམག་གྲབས་དངོས་འབྲེལ་ཐུབ་པ་བཅས་བྱས་ཏེ། ལྷོ་རི་བྱང་རིའི་སྔོ་འགྱུར་གྱི་མེ་ཟོན་བྱ་ཐབས་ཁག་དོན་ཐོག་ཏུ་ཏན་ཏིག་འཁྱོལ་བར་ཕྱོགས་ཡོངས་ནས་སྐུལ་འདེད་གཏོང་དགོས་པའི་ནན་བཤད་གནང་བ་རེད།
པད་ཆོས་ཀྱིས་བསྒྱུར།
放大
缩小
默认
