西藏青年报藏文版ཕྱོགས་བསྡུས། ཡར་ཀླུང་གཙང་འགྲམ་དུ་མི་རིགས་མཐུན་སྒྲིལ་གྱི་མེ་ཏོག་རབ་ཏུ་བཞད་པར་བྱས། སྒྲོག་འགྲེལ་བྱེད་སྟངས་གསར་གཏོད་བྱས། དགོངས་དོན་མི་སེམས་གཏིང་ཟབ་ཟུག ལྷོ་ཁ་གྲོང་ཁྱེར་གྱིས་བཟའ་བཅའི་བདེ་འཇགས་ཐད“ཁྱེད་ཀྱིས་གསུངས་དང་ང་ཡིས་ཞིབ་བཤེར་བྱེད”ཅེས་པའི་བྱེད་སྒོ་སྤེལ་བ།

放大 缩小 默认

ལྷོ་ཁ་གྲོང་ཁྱེར་གྱིས་བཟའ་བཅའི་བདེ་འཇགས་ཐད“ཁྱེད་ཀྱིས་གསུངས་དང་ང་ཡིས་ཞིབ་བཤེར་བྱེད”ཅེས་པའི་བྱེད་སྒོ་སྤེལ་བ།

འཐེན་བཤེར་ཐེངས་235བྱས་པར་ཚད་གཞི་ལོན་ཚད་100%ཟིན་པ།

ད་ལོ་ནས་བཟུང་ལྷོ་ཁ་གྲོང་ཁྱེར་ཁྲོམ་ར་ལྟ་འདོམས་སྡེ་ཚན་གྱིས་ཞིང་ཟོག་ཁྲོམ་རའི་བཟའ་བཅར་འཕྲལ་མྱུར་ཞིབ་དཔྱད་ཚད་ལེན་ཐེངས་4860བྱས་ཏེ་བཟའ་བཅའི་བདེ་འཇགས་ཐད“ཁྱེད་ཀྱིས་གསུངས་དང་ང་ཡིས་ཞིབ་བཤེར་བྱེད་པའི”བྱེད་སྒོ་སྤེལ་ནས་འཐེན་བཤེར་ཐེངས་235བྱས་པར་ཚད་གཞི་ལོན་ཚད་100%ཟིན་ཡོད་པ་རེད།

བྱེད་སྒོར་ལྷོ་ཁ་གྲོང་ཁྱེར་ཁྲོམ་ར་ལྟ་འདོམས་སྡེ་ཚན་གྱིས་ཟས་སྤྱོད་ཞིང་ལས་ཐོན་རྫས་ལ་འཐེན་བཤེར་ཐེངས་506བྱས་པ་དང་། ཐོན་སྐྱེད་ཁེ་ལས་ཀྱི་བཟའ་སྣུམ་སོགས་ལ་འཐེན་བཤེར་ཐེངས་29དང་བཟོ་ཁང་ཆུང་གྲས་ལ་འཐེན་བཤེར་ཐེངས་16བྱས་པ། ཞིང་ལས་གྲོང་གསེབ་སྡེ་ཚན་གྱི་ཞིང་ལས་ཐོན་ཟོག་གི་སྤུས་ཚད་གྲངས་ཚད་ལ་ཞིབ་དཔྱད་ཚད་ལེན་ཐེངས་800དང་ངོ་བོ་གཏན་འཁེལ་གྱི་ཞིབ་དཔྱད་ཚད་ལེན་ཐེངས་1817བྱས་པར་ཞིབ་དཔྱད་ཚད་ལེན་གྱི་དཔྱད་གྲངས་ལོན་ཚད་རང་སྐྱོང་ལྗོངས་ཀྱིས་བཏོན་པའི་98%ཀྱི་སྤྱིའི་བླང་བྱ་དང་མཐུན་ཡོད་པ་རེད།

ལྷོ་ཁ་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱི་ཅུས་ཀྲང་ནོར་བུ་ཚེ་རིང་གིས་ངོ་སྤྲོད་བྱས་པར་གཞིགས་ན། ད་ལོ་ནས་བཟུང་གྲོང་ཁྱེར་ཚན་རྩལ་སྡེ་ཚན་གྱིས་ས་ཁོངས་ཀྱི་ཚན་རྩལ་མཐུན་སྦྱོར་གསར་གཏོད་རྣམ་གྲངས་5ལག་ལེན་བསྟར་བར་མ་དངུལ་སྒོར་ཁྲི་1000ཟིན་ཡོད། བཟའ་བཅའི་བདེ་འཇགས་ཁྱབ་ཁོངས་ཀྱི་ཚན་རྩལ་བོད་སྐྱོར་རྣམ་གྲངས་2ལ་མ་དངུལ་སྒོར་ཁྲི་60བཏང་ཡོད། གྲོང་ཁྱེར་རིམ་པའི་ཚན་རྩལ་འཆར་འགོད་རྣམ་གྲངས་ཁྲོད་ནས་རྣམ་གྲངས་14སྤྱི་འདོམས་བཀོད་སྒྲིག་བྱས་པར་མ་དངུལ་སྒོར་ཁྲི་751.1བཏང་ཡོད། གྲོང་ཁྱེར་བཟའ་བཅའི་བདེ་འཇགས་གཞུང་ལས་ཁང་གིས་ད་དུང་རང་སྐྱོང་ལྗོངས་ནས་མ་དངུལ་བརྩོན་ལེན་བྱས་ཏེ། གཞི་རིམ་བཟའ་བཅའི་འཕྲལ་མྱུར་ཞིབ་དཔྱད་ཚད་ལེན་ཁང་འཛུགས་སྐྲུན་རྣམ་གྲངས་ལ་སྤྱད་པས་གྲོང་ཁྱེར་ཡོངས་ཀྱི་བཟའ་བཅའི་ཞིབ་དཔྱད་ཚད་ལེན་ནུས་པ་སྔར་བས་ཆེ་རུ་ཕྱིན་ཡོད་པ་རེད།

བསྟན་བློས་བསྒྱུར།

放大 缩小 默认
西藏青年报社出版  |  国内统一刊号:CN54—0006  |  邮发代号:67—11
制作单位:中国西藏青年报  |  所有内容为中国西藏青年报版权所有,未经授权不得复制转载或建立镜像  |  藏ICP备2022000062号
声明