放大
缩小
默认ཉེ་ཆར། གཞིས་རྩེ་གྲོང་ཁྱེར་སྐྱེ་ཁམས་ཁོར་ཡུག་ཅུས་བསམ་གྲུབ་རྩེ་ཆུས་ཡན་ལག་ཅུས་དང་། བསམ་གྲུབ་རྩེ་ཆུས་བསྡོམས་རྩིས་ཅུས། ཆུ་བེད་ཅུས་ཀྱི་ཏང་ཀྲི་པུའུ་བཅས་ཀྱིས“རི་ཀླུང་ཆུ་གསུམ་ལ་གཅེས་སྐྱོང་དང་། གཙང་པོ་དང་མཚེའུའི་ཆུ་ཁ་རྒྱས་པར་རམ་འདེགས། སྐྱེ་ཁམས་ཁོར་ཡུག་ལ་སྲུང་སྐྱོང”བཅས་ཀྱི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་མཉམ་དུ་སྤེལ་ནས་ཆུའི་ཐོན་ཁུངས་ལ་སྲུང་སྐྱོང་བྱེད་པའི་ཏང་ཡོན་ལས་བྱེད་པའི་འདུ་ཤེས་དང་འགན་འཁྲི་འཁུར་སེམས་ཆེ་རུ་བཏང་ཡོད།
བསམ་གྲུབ་རྩེ་ཆུས་གྲོང་ཤར་ཁྲོམ་གཞུང་དོན་གཅོད་ཁྲུའུ་རུ་བྱེད་སྒོ་སྤེལ་རིང་། རང་སྐྱོང་ལྗོངས་རིམ་པའི་སྒྲོག་འགྲེལ་པ་ཉི་མ་ཚེ་རིང་ཆེད་མངགས་གདན་ཞུ་བྱས་ཏེ་བརྗོད་དོན་གཙོ་བོའི་འཆད་ཁྲིད་བྱས་ཤིང་། ཁོང་གིས་གསོན་ཉམས་དོད་པའི་གྱོད་དཔེ་དང་ཞིབ་ཅིང་ཕྲ་བའི་གྲངས་གཞིར་བརྟེན་ནས་ཏང་ཡོན་དང་མང་ཚོགས་ཀྱི་འཐུས་མིར་ཆུའི་ཐོན་ཁུངས་དཀོན་པ་དང་ཆུའི་སྦགས་བཙོག་ཆེ་རུ་འགྲོ་བ་སོགས་གནད་དོན་གྱི་འབྱུང་རྐྱེན་ལ་འགྲེལ་བཤད་བརྒྱབ་པ་མ་ཟད། རྒྱལ་ཁབ་ཕྱི་ནང་གི་ཆུའི་ཐོན་ཁུངས་དོ་དམ་དང་སྲུང་སྐྱོང་ཐད་གྲུབ་འབྲས་ཐོབ་པའི་ཉམས་མྱོང་མཉམ་སྤྱོད་བྱས་ཏེ། ཚང་མར་རིགས་པའི་གཞུང་ལུགས་ཀྱི་ཤེས་བྱ་བྱ་སྤྱོད་དངོས་ལ་བསྒྱུར་ནས་དུས་རྒྱུན་གྱི་འཚོ་བ་ནས་འགོ་བཙུགས་ཏེ་ཆུར་གྲོན་ཆུང་དང་སྦགས་བཙོག་ཉུང་གཏོང་གིས་ཆུ་ཐིགས་རེ་ལའང་ཐུན་མོང་ཐོག་སྲུང་སྐྱོང་བྱེད་དགོས་པའི་སྐུལ་ལྕག་བྱས་ཡོད།
གཞིས་རྩེ་གྲོང་ཁྱེར་སྐྱེ་ཁམས་ཁོར་ཡུག་ཅུས་བསམ་གྲུབ་རྩེ་ཆུས་ཡན་ལག་ཅུས་ཀྱི་ལས་དོན་པས་བྱེད་སྒོ་དེ་གོ་སྐབས་སུ་བརྩིས་ནས་སྐྱེ་ཁམས་སྲུང་སྐྱོང་གི་དྲིལ་བསྒྲགས་སློབ་གསོའི་བྱེད་སྒོ་སྣ་ཚོགས་རྒྱུན་མཐུད་ངང་སྤེལ་ཏེ། ཚང་མར་རང་ཉིད་དང་བྱ་བ་ཆུང་ཙག་ནས་འགོ་རྩོམ་དགོས་པའི་འབོད་སྐུལ་བྱས་ཏེ་མི་དེ་བས་མང་བ་ཆུའི་ཐོན་ཁུངས་སྲུང་སྐྱོང་ལས་དོན་ནང་ཞུགས་རྒྱུར་སྐུལ་ཁྲིད་ཀྱིས་ཆུའི་བདེ་འཇགས་ཀྱི་འགོག་སྲུང་འཛིང་རགས་ཐུན་མོང་ཐོག་གཏོད་རྒྱུ་རེད།
དབང་སྒྲོན་སྐྱིད་ཀྱིས་བསྒྱུར།
放大
缩小
默认
