放大
缩小
默认
འདི་ནི་ལྷ་ས་གྲོང་ཁྱེར་ཁྲེང་ཀོན་ཆུས་བུ་བཅོལ་ཁང་དང་པོའི་དགེ་རྒན་གྱིས་སློབ་མའི་ཁྱིམ་དུ་འཚམས་འདྲི་བྱེད་བཞིན་པ།
ཉེ་བའི་ལོ་ཤས་རིང་ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་བུ་བཅོལ་ཁང་དང་པོས་ཀྲུང་ཧྭ་མི་རིགས་གཅིག་མཐུན་ཚོཌ་པའི་འདུ་ཤེས་བརྟན་པོ་འཛུགས་རྒྱུ་གཙོ་རྐང་དུ་བྱས་ནས། མི་རིགས་མཐུན་སྒྲིལ་ཡར་ཐོན་གྱི་སློབ་གསོ་དེ་བྱིས་པའི་འཚར་ལོངས་ཀྱི་བརྒྱུད་རིམ་ཧྲིལ་པོར་མཉམ་འདྲེས་ཐུབ་པ་དང་བྱིས་པ་ཚང་མས་མཐུན་སྒྲིལ་ཤེས་པ་དང་། མཐུན་སྒྲིལ་ལ་དགའ་ཞེན། མཐུན་སྒྲིལ་སྲུང་སྐྱོང་བཅས་བྱས་ཏེ་མི་རིགས་མཐུན་སྒྲིལ་ཡར་ཐོན་གྱི་འདུ་ཤེས་བུ་བཅོལ་ཁང་གི་ལས་དོན་ཡོངས་དང་བྱིས་པའི་སེམས་ནང་གཏིང་ཟབ་ཟུག་པར་བྱས་ནས་འདྲ་མཉམ་དང་། མཐུན་སྒྲིལ། རོགས་རེས། ཞི་མཐུན་བཅས་ཀྱི་མི་རིགས་འབྲེལ་བ་སྲ་བརྟན་དང་འཕེལ་རྒྱས་གཏོང་ཆེད་སློབ་གསོའི་སྟོབས་ཤུགས་ལེགས་སྐྱེས་ཕུལ་ཡོད། 2023ལོར་ལྷ་ས་གྲོང་ཁྱེར་ཁྲེང་ཀོན་ཆུས་བུ་བཅོལ་ཁང་དང་པོ“ཁྲེང་ཀོན་ཆུས་ཀྱི་མི་རིགས་མཐུན་སྒྲིལ་ཡར་ཐོན་ཚན་པར”བདམས་ཡོད་པ་རེད།
ལྷ་ས་གྲོང་ཁྱེར་ཁྲེང་ཀོན་ཆུས་བུ་བཅོལ་ཁང་དང་པོའི་ཡོན་ཀྲང་སྐལ་བཟང་སྒྲོལ་དཀར་གྱིས་ངོ་སྤྲོད་བྱས་དོན། གཟའ་འཁོར་རེའི་ཞོགས་སྦྱོང་ལ་རྒྱལ་གཅེས་ཀྱི་བརྗོད་དོན་གཙོ་བོའི་བྱེད་སྒོ་ཕུད། ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་བུ་བཅོལ་ཁང་དང་པོས་ད་དུང་དུས་ངེས་མེད་ངང་ཀྲུང་ཧྭའི་གནའ་བོའི་སྙན་ཚིག་ཀློག་པ་དང་གླུ་གཞས་འགྲན་བསྡུར་སོགས་ཀྱི་བྱེད་སྒོ་སྒྲིག་འཛུགས་བྱེད་ཀྱི་ཡོད། འཛིན་གྲྭ་ཁག་གི་བྱིས་པའི་ལོ་ཚད་ཀྱི་ཁྱད་ཆོས་གཞིར་བཟུང་བརྗོད་དོན་གཙོ་བོའི་བྱེད་སྒོ་རབ་དང་རིམ་པ་སྤེལ་ཞིང་། འཛིན་གྲྭ་ཆུང་བས“ཕན་ཚུན་མཛའ་ཞིང་བརྩེ་བའི་ཁྱིམ་ཚང་གཅིག”དང་། འཛིན་གྲྭ་འབྲིང་བས“མི་རིཌ་མཐུན་སྒྲིལ་ཁྱིམ་ཚང་གཅིག་ལྟར་བརྩེ” འཛིན་གྲྭ་ཆེ་བས“མཚར་སྡུག་བཀྲ་བའི་མི་རིགས་ཀྱི་ཉམས་འགྱུར”བཅས་བརྗོད་དོན་གཙོ་བོར་བྱས་ཏེ། མི་རིགས་ཁག་གི་ཕུལ་བྱུང་རིག་གནས་ཀྱི་སློབ་གསོའི་བརྗོད་གཞི་སྔོག་འདོན་གཏིང་ཟབ་དང་། མཚོན་བྱེད་རང་བཞིན་གྱི་རིག་གནས་ཤེས་བྱ་ལེགས་སྒྲིག ཀྲུང་ཧྭ་རིག་གནས་ཀྱི་ཕུན་སུམ་ཚོགས་པའི་རང་བཞིན་མངོན་པ་བཅས་བྱས་ཏེ་མཉམ་སྡེབ་སློབ་ཁྲིད་དང་། རོལ་རྩེད་བྱེད་སྒོ ཕ་མ་བུ་ཕྲུག་དབར་གྱི་བྱེད་སྒོ་སོགས་ཀྱི་རྣམ་པ་བརྒྱུད་བྱིས་པའི་བདེ་ཐང་དང་། སྐད་ཡིག སྤྱི་ཚོགས། ཚན་རིག སྒྱུ་རྩལ་བཅས་ཁྱབ་ཁོངས་ཆེན་པོ་ལྔའི་སྤྱི་ཡོངས་རང་བཞིན་གྱི་འཕེལ་རྒྱས་ལ་སྐུལ་མ་ནུས་ལྡན་བཏང་ནས་སྤྲོ་སྣང་ཁྲོད་བྱིས་པ་རྣམས་ཀྱི་མི་རིགས་མཐུན་སྒྲིལ་ཡར་ཐོན་གྱི་འདུ་ཤེས་སྔར་བས་ཟབ་ཏུ་བཏང་ཡོད་པ་རེད།
མི་རིགས་མཐུན་སྒྲིལ་ནི་ཁ་ནས་བཤད་པ་ཙམ་མིན་པར་ལག་ལེན་དུ་འཁྱོལ་དགོས་པ་ཞིག་ཡིན་པས། མི་རིགས་མཐུན་སྒྲིལ་གྱི་སློབ་གསོ་དེ་སློབ་ཁྲིད་ལས་དོན་གྱི་ཕྱོགས་གང་ཅིའི་ཐད་མཉམ་འདྲེས་ཐུབ་ཆེད། བུ་བཅོལ་ཁང་གིས་ད་དུང་གལ་ཆེའི་དུས་ཚིགས་སུ་མི་རིགས་མཐུན་སྒྲིལ་གྱི་བརྗོད་དོན་གཙོ་བོའི་བྱེད་སྒོ་སྤེལ་ནས་སྲོལ་རྒྱུན་དུས་ཆེན་གྱི་རིག་གནས་ཐོན་ཁུངས་དང་སྤྱི་ཚོགས་ཀྱི་རྣམ་པ་གང་ལེགས་སྤྱད་དེ། སྣ་མང་ཕུན་སུམ་ཚོགས་པའི་བྱེད་ཐབས་ནས་མི་རིགས་མཐུན་སྒྲིལ་གྱི་སློབ་གསོ་མི་སེམས་སུ་གཏིང་ཟབ་ཟུག་པར་བྱས་ཡོད། བུ་བཅོལ་ཁང་གི་དགེ་རྒན་ཚོས་ད་དུང་ཕྲུ་གུ་ཚོའི་སྣེ་ཁྲིད་དེ་ཟླ་མཆོད་བག་ལེབ་དང་ཆུ་མོག་སོགས་སྲོལ་རྒྱུན་གྱི་ཞིམ་ཟས་བཟོ་བ་དང་ཕྲུ་གུ་ཚོར་དམངས་སྲོལ་གྱི་གཏམ་རྒྱུད་ཤོད་པ་དང་། ཕྲུ་གུ་ཚོར་མི་རིགས་ཁག་གི་ཡུལ་སྲོལ་གོམས་གཤིས་ཉམས་སུ་མྱོང་དུ་འཇུག་པ། རོལ་རྩེད་ཞོར་ལ་སློབ་གསོ་ཐེབས་སུ་འཇུག་པ་བཅས་ཀྱི་བྱེད་སྟངས་ནས་རིག་གནས་ཀྱི་མོས་སེམས་ཆེ་རུ་གཏོང་བ་དང་མཐུན་སྒྲིལ་གྱི་རྨང་གཞི་བརྟན་དུ་གཏོང་བ། ཕྲུ་གུ་ཚོའི་རྒྱལ་གཅེས་ཀྱི་བརྩེ་སེམས་དང་མི་རིགས་མཐུན་སྒྲིལ་གྱི་འདུ་ཤེས་སྐྱེད་སྲིང་བྱེད་པ་བཅས་བྱས་ཡོད་པ་རེད།
པ་ཕན་དང་བསྟན་བློས་བསྒྱུར།
放大
缩小
默认
