བོད་རང་སྐྱོང་ལྗོངས་ཀྱི་མ་ལན་ཧྭ་ལས་གཏོད་གསོ་སྦྱོང་འཆད་ཁྲིད་དགེ་རྒན་འགྲན་བསྡུར་སྐབས་བཞི་པ་གཉེར་བ།

ཉེ་ཆར་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་གཙོ་གཉེར་བྱས་པ་དང་། བོད་རང་སྐྱོང་ལྗོངས་ལས་ཞུགས་ཞབས་ཞུ་ལྟེ་གནས་ཀྱིས་གཉེར་འགན་འཁུར་བའི་བོད་རང་སྐྱོང་ལྗོངས་སྐབས་བཞི་པའི་མ་ལན་ཧྭ་ལས་གཏོད་གསོ་སྦྱོང་གི་འཆད་ཁྲིད་དགེ་རྒན་འགྲན་བསྡུར་ཆེ་མོའི་རྒྱལ་ཕམ་ཐག་གཅོད་འགྲན་བསྡུར་གྱི་མཇུག་འགྲིལ་མཛད་སྒོ་ལྷ་ས་གྲོང་ཁྱེར་དུ་འཚོགས་པ་རེད།

སྐབས་འདིའི་འགྲན་བསྡུར“ནུས་འདོན་ལས་གཏོད་གསོ་སྦྱོང་བྱས་ནས་ལས་གཏོད་ཀྱི་གསོན་ཤུགས་འཕེལ”ཞེས་པ་བརྗོད་དོན་གཙོ་བོར་བྱས་ནས་SYBའཆད་ཁྲིད་དགེ་རྒན་མི་སྒེར་གྱི་ཕྱོགས་བསྡུས་ནུས་པའི་འགྲན་བསྡུར་དང་དྲ་རྒྱའི་ལས་གཏོད་གསོ་སྦྱོང་འཆད་ཁྲིད་དགེ་རྒན་མི་སྒེར་གྱི་ཕྱོགས་བསྡུས་ནུས་པའི་འགྲན་བསྡུར་དང་གཉིས་བཙུགས་ཡོད། རྣམ་གྲངས་རྐྱང་པའི་བརྩམས་ཆོས་འགྲན་བསྡུར་ནང་SYBསློབ་ཚན་གྱི་སློབ་ཁྲིད་གྱོད་དཔེ་འགྲན་བསྡུར་དང་IYBསློབ་ཚན་གྱི་སློབ་ཁྲིད་ཇུས་འགོད་འགྲན་བསྡུར་དང་གཉིས་བཙུགས་ཡོད་པ་རེད། ཕྱེད་རྒྱལ་ཕམ་ཐག་གཅོད་ཀྱི་འགྲན་བསྡུར་དང་རྒྱལ་ཕམ་ཐག་གཅོད་ཀྱི་འགྲན་བསྡུར་བརྒྱུད་ད་ཐེངས་ཀྱི་འགྲན་བསྡུར་ཆེ་མོའི་SYBའགྲན་ལམ་གྱི་མི་སྒེར་གྱི་ཕྱོགས་བསྡུས་ནུས་པའི་འགྲན་བསྡུར་ནང་བྱ་དགའ་ཨང་དང་པོ་ཐོབ་མཁན་1དང་། བྱ་དགའ་ཨང་གཉིས་པ་ཐོབ་མཁན་2བྱ་དགའ་ཨང་གསུམ་པ་ཐོབ་མཁན་3ཕུལ་བྱུང་བྱ་དགའ་ཐོབ་མཁན་4ཡོད་པ་རེད། དྲ་རྒྱའི་གསར་གཏོད་འགྲན་ལམ་མི་སྒེར་གྱི་ཕྱོགས་བསྡུས་ནུས་པའི་འགྲན་བསྡུར་ནང་བྱ་དགའ་ཨང་དང་པོ་ཐོབ་མཁན་1དང་། བྱ་དགའ་ཨང་གཉིས་པ་ཐོབ་མཁན་1དང་བྱ་དགའ་ཨང་གསུམ་པ་ཐོབ་མཁན་1ཐོན་པ་དང་། རྣམ་གྲངས་རྐྱང་པའི་བརྩམས་ཆོས་འགྲན་བསྡུར་SYBའགྲན་ལམ་ནས་ཕུལ་བྱུང་བརྩམས་ཆོས་རྩེ་གྲ་བཅུ་10ཐོན་པ་དང་། IYBའགྲན་ལམ་ནས་ཕུལ་བྱུང་བརྩམས་ཆོས་རྩེ་གྲ་བཅུ་10ཐོན་པ་རེད།

ཤེས་རྟོགས་བྱུང་བར་གཞིགས་ན། འགྲན་བསྡུར་སྒྲིག་འཛུགས་ཨུ་ལྷན་གྱིས་SYBམི་སྒེར་གྱི་ཕྱོགས་བསྡུས་འགྲན་བསྡུར་གྱི་བདམས་ཐོན་པ་2དང་། དྲ་ཐོག་གསར་གཏོད་མི་སྒེར་གྱི་ཕྱོགས་བསྡུས་འགྲན་བསྡུར་གྱི་བདམས་ཐོན་པ་2དང་། SYBསློབ་ཁྲིད་གྱོད་དཔེ་འགྲན་བསྡུར་གྱི་བརྩམས་ཆོས་10 དང་། IYBསློབ་ཁྲིད་ཇུས་འགོད་འགྲན་བསྡུར་གྱི་བརྩམས་ཆོས་10བཅས་བོད་རང་སྐྱོང་ལྗོངས་ཀྱི་ཚབ་ཞུས་ནས་རྒྱལ་ཡོངས་ཀྱི་རྒྱལ་ཕམ་ཐག་གཅོད་འགྲན་བསྡུར་ནང་ཞུགས་རྒྱུ་ཡིན་པ་རེད།

ཉེ་བའི་ལོ་ཤས་རིང་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་ལས་གཏོད་གསོ་སྦྱོང་དེ། ལས་གཏོད་ལ་སྐུལ་འདེད་དང་ལས་ཞུགས་སྐུལ་ཁྲིད་བྱེད་པའི་བྱ་ཐབས་གལ་ཆེན་ཞིག་ཏུ་བརྩིས་ནས་མ་ལན་ཧྭ་ལས་གཏོད་གསོ་སྦྱོང་རྣམ་གྲངས་ཀྱི་སྤུས་རྟགས་སྣེ་ཁྲིད་ནུས་པ་འདོན་སྤེལ་ཧུར་ཐག་བྱས་ཡོད། སློབ་ཚན་གྱི་ནང་དོན་ཟམ་མི་ཆད་པར་ཕུན་སུམ་ཚོགས་སུ་བཏང་བ་དང་། གསོ་སྦྱོང་བྱེད་སྟངས་གསར་གཏོད་དང་གསོ་སྦྱོང་བྱ་ཡུལ་དང་གསོ་སྦྱོང་བྱེད་སྟངས་སྣ་མང་ཅན་དུ་འགྱུར་བ། ལས་གཏོད་ཀྱི་དུས་རིམ་མི་འདྲ་བར་ཁྱབ་པའི་ལས་གཏོད་གསོ་སྦྱོང་མ་ལག་རིམ་པ་བཙུགས་པ། ལས་གཏོད་གསོ་སྦྱོང་གི་“མ་ལན་ཧྭ་འཆར་གཞི”ལག་བསྟར་ཤུགས་ཆེན་དང་ལས་གཏོད་དགེ་རྒན་དཔུང་ཁག་འཛུགས་སྐྱོང་བྱེད་ཤུགས་ཆེ་རུ་བཏང་བས་གྲུབ་འབྲས་མངོན་གསལ་དོད་པོ་ཐོབ་ཡོད།

རང་སྐྱོང་ལྗོངས་ལས་ཞུགས་ཞབས་ཞུ་ལྟེ་གནས་ཀྱི་ཀྲུའུ་རེན་གཞོན་པ་འགྲན་བསྡུར་ཆེ་མོའི་འགན་འཁུར་བ་ཕུའུ་ཤན་ཁྲེང་གིས“འགྲན་བསྡུར་ཆེ་མོ་ཕུན་སུམ་ཚོགས་པོའི་ངང་མཇུག་འགྲིལ་བ་དང་བསྟུན་ནས་རང་ལྗོངས་ཀྱི་ལས་གཏོད་གསོ་སྦྱོང་ལས་དོན་ལའང་འཕེལ་རྒྱས་ཀྱི་གོ་སྐབས་གསར་པ་བསུས་ཡོད་ལ། དེ་དང་ཆབས་ཅིག་ང་ཚོས་ཕུལ་བྱུང་ལས་གཏོད་གསོ་སྦྱོང་འཆད་ཁྲིད་དགེ་རྒན་ཁག་གཅིག་སྔོག་འདོན་བྱས་ནས་རང་ལྗོངས་ཀྱི་ལས་གཏོད་གསོ་སྦྱོང་དགེ་རྒན་དཔུང་ཁག་ཕུན་སུམ་ཚོགས་སུ་བཏང་ནས། བོད་ཀྱི་གཞོན་ནུ་དེ་བས་མང་བ་ལས་གཏོད་ནང་ཞུགས་ནས་མཉམ་དུ་བོད་ལྗོངས་འཛུགས་སྐྲུན་དང་འཕེལ་རྒྱས་གཏོང་རྒྱུའི་རེ་བ་ཡོད་ཅེས་གསུངས་པ་རེད།

བསོད་བསྟན་གྱིས་བསྒྱུར།