放大
缩小
默认ང་ནི་རྒྱུ་ནོར་གྱི་ཤིན་ཏུ་ཕྱུག་པའི་གོ་ལ་ཞིག་སྟེ་རིན་ཆེན་གསེར་རིགས་དང་། དངུལ་རིགས། གཡུ་རིགས། བྱུ་རུའི་རིགས། མུ་ཏིག་སོགས་རིན་བྲལ་གྱི་དབང་བ་ཚང་མ་ཚང་བ་ཞིག་ཡིན།
དེ་བས་གོ་ལ་འདི་ཡི་ས་ཁོངས་དང་མིའི་རིགས། གཅན་གཟན་རི་དྭགས་ཐམས་ཅད་ནི་ང་ལ་བརྟེན་ནས་བྱུང་བ་ཤ་སྟག་ཡིན་ཅིང་ང་ནི་འདོར་ཐབས་མེད་པ་ཞིག་ཡིན་པ་མིའི་རིགས་ཀྱིས་ཤེས་སོ། །མིའི་རིགས་ཀྱི་ང་ལ་ཕྱི་སྣོད་ཀྱི་འཇིག་རྟེན་ཞེས་ཟེར།
ང་ནི་ས་འཛིན་གོ་ལའི་གཙུག་རྒྱན་དང་མུ་མཐའ་མེད་པའི་གོ་ལ་རིན་ཐང་ཅན་ཞིག་ཡིན་སྙམ། ཡིན་ནའང་ངའི་ལུས་ནས་ཆད་པའི་ཕྲུ་གུ་དེ་དག་གིས་ངའི་བཀའ་དྲིན་ལ་དྲིན་ལན་དང་བསམ་ཤེས། བརྩི་བཀུར་ཞུ་རྒྱུ་ལྟ་ཅི་ཐ་ན་དེ་ལས་ལྡོག་སྟེ་དྲིན་ལན་ལོག་འཇལ་གྱིས་དུས་རྟག་ཏུ་རྒྱུ་ནོར་གྱི་ཆེད་དུ་ངའི་ལུས་པོའི་སྟེང་གི་ལྗོན་ཤིང་སྡོང་པོ་རྩ་བཀོག་གཏོང་བ་དང་། གང་སར་ས་རྐོ་རྡོ་སློག་བྱེད་པ། དེ་བཞིན་རྒྱ་མཚོ་དང་། གཙང་པོ། རྒྱུགས་ཆུ་གང་སྤྱིར་སྦགས་བཙོག་སྣང་མེད་བཏང་པར་བརྟེན་ངའི་ལུས་སྟེང་གི་རྒྱན་ཆར་རང་དབང་མེད་པར་བཙན་འཕྲོག་བྱས།
ངའི་ལུས་ཐོག་གི་འབུ་སྲིན་ཆེ་ཆུང་ཡོད་ཚད་དང་འདབ་ཆགས་བྱ་བྱིའུ་ནས་གཙོས་པ་ཡོངས་རྫོགས་ཁ་མིག་གདངས་བཙུམ་མེད་པར་འཁྱུར་མིད་བཏང་། དེ་ལྟ་བུའི་ཡ་ང་བའི་གདུག་རྩུབ་ཀྱིས་བྱ་སྤྱོད་དེ་ཚོ་ངའི་མིག་མདུན་དུ་མཐོང་དུས་ང་ཡང་བཟོད་གླག་བྲལ། ས་ཡི་གོ་ལ་ང་ལ་བརྗོད་པར་དཀའ་བའི་མནར་གཅོད་དང་འཛད་མཐའ་མེད་པའི་ན་ཟུག་དང་དཀའ་སྡུག་འདི་འདྲ་སྤྲད།
ས་ཡི་གོ་ལ་འདིར་སྲུང་སྐྱོང་དང་བྱམས་སྐྱོང་མ་བྱས་ན་མཐར་མིའི་རིགས་ཀྱི་བདེ་སྐྱིད་ཀྱི་འཚོ་བ་བརླག་པར་འགྱུར་སྲིད་པས་སྐབས་དེ་དུས་ང་ཚོས་སྨྲེ་ངགས་འདོན་བཞིན་ངེད་ཚོའི་གོ་ལ་སླར་ཡང་མ་ཉམས་བསྐྱར་ལོག་ཡོང་བར་རེ་སྒུག་བྱེད་དུས་ཡོད་ཚད་ཕྱིས་ཟིན་པ་རེད།
བསོད་བཀྲ།
放大
缩小
默认
